បុរសម្នាក់ស្រវឹងជោក បើករថយន្ត Fortuner បុកបង្គោលភ្លើងហ្គោមបំភ្លឺផ្លូវ១ដើម នៅកណ្ដាលសួនច្បារ
ភ្នំពេញ៖ អធិការខណ្ឌច្បារអំពៅបានរាយការណ៍ ស្ដីពីករណីគ្រោះថ្នាក់ចរាចរណ៍មួយ នៅថ្ងៃព្រហស្បតិ៍ទី៩ ខែកក្ដដា ឆ្នាំ២០២០ នៅវេលាម៉ោង២១:២០នាទី ត្រង់ចំណុចមុខវត្តនិរោធ លើផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅរាជធានីភ្នំពេញ រវាង រថយន្ត បុក បង្គោលភ្លើងហ្គោមបំភ្លឺផ្លូវ។
រថយន្តម៉ាក Fortuner ពណ៌ខ្មៅពាក់ផ្លាកលេខ ភ្នំពេញ ២AZ ១៩៦២ បើកបរដោយឈ្មោះ សេង សុខា ភេទប្រុស អាយុ៥៩ឆ្នាំ មុខរបរបើកបររថយន្ត ស្នាក់នៅភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី មានកម្រិតជាតិអាល់កុល ០,៥៦ដឺក្រេ បើកបរលើផ្លូវជាតិលេខ១ ទិសដៅពីលិចទៅកើត លុះបើកបរមកដល់ត្រង់ចំណុចកើតហេតុខាងលើ បានបុកបង្គោលភ្លើងហ្គោមបំភ្លឺផ្លូវ១ដើម នៅកណ្ដាលសួនច្បារ។
សំភារខូចខាត រថយន្តខូចខាតធ្ងន់១គ្រឿង បង្គោលភ្លើងហ្គោមបំភ្លឺផ្លូវ ខូចខាតធ្ងន់១ដើម
ហើយសំភារខូចខាតត្រូវមករក្សានៅអធិការដ្ឋាននគរបាលខណ្ឌច្បារអំពៅចាត់ការតាមនីតិវិធីបន្ត។
មូលហេតុដែលបណ្ដាលអោយគ្រោះចរាចរណ៍អ្នកបើកបរ រថយន្តបើកបរលឿន៕
