ករណីជួញដូរដោយខុសច្បាប់នូវសារធាតុញៀន ស្រុកលេីកដែក ខេត្តកណ្តាល
ខេត្តកណ្តាល៖ ថ្ងៃអាទិត្យ ០៤រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៦ ខែកញ្ញា ឆ្នាំ២០២០ វេលាម៉ោង១១និង ១៥នាទីមានករណីជួញដូរដោយខុសច្បាប់នូវសារធាតុញៀន នៅចំណុចក្នុងចំការស្វាយ ស្ថិតក្នុងភូមិ អំពិលទឹក ឃុំកំពង់ភ្នំ ស្រុកលេីកដែក ខេត្តកណ្តាល។
ជនសង្ស័យឈ្មោះ ចាន់ ខឿន ភេទប្រុស អាយុ២១ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅ ភូមិ.ឃុំ កើតហេតុខាងលើ (មានសារធាតុញៀនក្នុងទឹកនោម) បានឃាត់ខ្លួន ។
វត្ថុតាងចាប់យក៖
១/.ម៉្សៅក្រាមពណ៌សថ្លាសង្ស័យសារធាតុញៀន ចំនួន០៦កញ្ចប់ (តូច០៥ និង មធ្យម០១ )
២/.ទូរស័ព្ទម៉ាកNokai ចុចពិល០១គ្រឿង និង ដែកកេះ ០២។
នៅមុនពេលកើតហេតុកម្លាំងប៉ុស្តិ៍រដ្ឋបាលកំពង់ភ្នំ បានធ្វើការល្បាតគោលដៅសង្ស័យមានការជួញដូរគ្រឿងញៀន ពេលដល់ចំណុចកើតហេតុ ក៏បានជួបជនសង្ស័យជាមុខសញ្ញាជួញដូរគ្រឿងញៀន ឈ្មោះ ចាន់ខឿន រត់គេចពីកម្លាំង តែត្រូវកម្លាំងយើងដេញតាមចាប់បាន ដោយមានការសង្ស័យ កម្លាំងបានធ្វើការត្រួតពិនិត្យ រកឃេីញ ម្សៅក្រាមពណ៌ថ្លាសង្ស័យសារធាតុញៀន ចំនួន ០៦កញ្ចប់នៅក្នុងហោប៉ាវខោក្រោយរបស់ជនសង្ស័យ រួចក៏បាននាំខ្លួន រួមទាំងវត្ថុតាង បញ្ជូនជនមកផ្នែកជំនាញ ។ ក្រោយការសាកសួរ ជនសង្ស័យបានសារភាពថា ម្សៅក្រាមចំនួន០៦កញ្ចប់នោះគឺជាថ្នាំញៀនប្រភេទម៉ាទឹកកកដែលខ្លួនបានទិញពីជនមិនស្គាល់ឈ្មោះ នៅ(ភ្នំពេញ) យកមករំលែកលក់បន្តដើម្បីបានប្រាក់ចំណេញ។បច្ចប្បន្នជនសង្ស័យ រួមនិងវត្ថុតាងបញ្ជូនទៅកាន់អធិការដ្ឋាននគរបាលស្រុកលើកដែក ដើម្បីកសាងសំណុំរឿងចាត់ការតាមនីតិវិធី។