អភិបាលរាជធានី ណែនាំអោយខណ្ឌទាំង១៤ មិនអោយមានការលួចបើកអាជីវកម្ម ក្លឹបកម្សាន្ត និងខារ៉ាអូខេជាដាច់ខាតដើម្បីទប់ស្កាត់ ជម្ងឺកូវីដ-១៩
ភ្នំពេញ៖ អភិបាលនៃគណៈអភិបាលខណ្ឌទួលគោកលោកឯក ឃុនដឿន បានធ្វើការណែនាំអោយអភិបាលនៃគណៈអភិបាលរងខណ្ឌ ក៏ដូចជាមន្ត្រីនិងអាជ្ញាធរសង្កាត់ទាំង១០ ត្រូវចុះតាមដានមូលដ្ឋានរបស់ខ្លួនកុំអោយមានការលួចបើកដាច់ខាត់ចំពោះទីតាំងខារ៉ាអូខេនិងក្លឹបកំសាន្ត ។ តែចំពោះភោជនីយដ្ឋានក៏ត្រូវតែតាមដានពិនិត្យផងដែរ ថាតើពួកគាត់បានអនុវត្តតាមវិធានរបស់ក្រសួងសុខាភិបាលឬទេ ។បើមិនអនុវត្តទេត្រូវណែនាំអោយពួកគាត់ អនុវត្តអោយបានជាដាច់ខាត់ ដើម្បីរួមគ្នាក្នុងការបង្ការទប់ស្កាត់ជម្ងឺកូវីដ–១៩ទាំងអស់គ្នា។
លោកឯក ឃុនដឿន បានណែនាំថា ចំពោះភោជនីយដ្ឋាន បើទោះបីអនុញ្ញាតអោយដំណើរការមែន តែមិនអោយលើសពី២០នាក់ទេ ហើយត្រូវអនុវត្តអោយបាន ដាច់ខាត់ទៅតាមការណែនាំរបស់ក្រសួងសុខាភិបាល ដូចជាការលាងដៃនឹងអាកុល ជែល ពាក់ម៉ាស ពិនិត្យវាស់កំដៅ មុននឹងភ្ញៀវចូលក្នុងភោជនីយដ្ឋាន ។ ពាក់ព័ន្ធនិងក្លឹបកម្សាន្តនិងខារ៉ាអូខេ ត្រូវតែមានវិធានការតឹងរឹងបំផុតគឺមិនឲ្យ
លួចបើកដំណើរការជាដាច់ខាត ដើម្បីរួមគ្នាទប់ស្កាត់ការរីករាលដាលជម្ងឺកូវីដ–១៩ ខណៈដែលជំងឺនេះបាននឹងកំពុងរីករាលដាលចូលដល់សហគមន៍ហើយនោះ ពិសេសនៅក្នុងរាជធានីភ្នំពេញរបស់យើងតែម្តង។
តាមរយៈសារអេឡិចត្រូនិចរបស់លោកឃួង ស្រេងអភិបាលរាជធានីផ្ញើរជូនទៅអាជ្ញាធរខណ្ឌទាំង១៤ មានន័យថាជំរាបដល់ ប្រធានគណបញ្ជាការឯកភាពរដ្ឋបាលខណ្ឌទាំង១៤ ដើម្បីអនុវត្តន៍
តាមការស្រាវជ្រាវរបស់កម្លាំងសម្ងាត់បានបញ្ជាក់ថា អាជីវកម្ម ក្លឹបកម្សាន្ត និងខារ៉ាអូខេមួយចំនួន នៅតែបន្តលបលួចបើកដំណើរការដូចធម្មតាដដែល ហេតុដូចនេះ សូមលោក–លោកស្រីអភិបាលខណ្ឌ និងជាប្រធានគណៈបញ្ជាការឯកភាពខណ្ឌទាំង១៤ ត្រូវចាត់វិធានការឲ្យបានតឹងរឹងបំផុតចំពោះករណីខាងលើនេះ កុំឱ្យមានដាច់ខាតនៅក្នុងមូលដ្ឋានរបស់ខណ្ឌនីមួយៗ។ កិច្ចការងារនេះ គឺជាការទទួលខុសត្រូវខ្ពស់បំផុត ចំពោះសុខុមាលភាពរបស់ប្រជាពលរដ្ឋនៅក្នុងដែនសមត្ថកិច្ចរបស់ខ្លួន ស្របពេលដែលបញ្ហាជំងឺកូវីដ–១៩នេះ កំពុងរាលដាលដល់សហគមន៍។
ពាក់ព័ន្ធនឹងវិធានការខាងលើ កាលពីយប់ថ្ងៃទី៤ ខែធ្នូឆ្នាំ២០២០ គគណបញ្ជាការឯកភាពរដ្ឋបាលសង្កាត់ទឹកល្អក់ទី១បានចុះណែនាំតាមភោជនីយដ្ឋានក្នុងមូលដ្ឋានឲ្យអនុវត្តបានសរុបចំនួន១៥ទីតាំងអោយ វាស់កំដៅមុនចូល និងបាញ់អាល់កុល ហើយបុគ្គលិក និងអ្នកបំរេីសេវាត្រូវពាក់ម៉ាស់គ្រប់គ្នា៕