រកឃើញជនជាតិចិនឆ្លងថ្មីកូវីដ១៩ ចំនួន៣២ ករណី ក្នុងព្រឹត្តិការណ៍សហគមន៍២០កុម្ភ:
ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញថ្លែងសារពិសេសទៅកាន់បងប្អូនប្រជាពលរដ្ឋទូទាំងប្រទេស ទាក់ទងព្រឹត្តិការណ៍សហគមន៍ ២០កុម្ភៈ ថ្ងៃទីសៅរ៍ ទី២០ ខែកុម្ភ: ឆ្នាំ២០២១ ។ រកឃើញចំនួនឆ្លងថ្មី៣២ ករណី ក្នុងព្រឹត្តិការណ៍សហគមន៍២០កុម្ភ:។ សម្ដេចតេជោហ៊ុនសែនបានប្រកាសជាថ្មីឲ្យប្រជាពលរដ្ឋនៅទីក្រុងភ្នំពេញមានការប្រុងប្រយ័ត្នហើយជាពិសេសបើពុំមានការងារចាំបាច់កុំចេញក្រៅផ្ទះ។
សម្តេចតេជោ ហ៊ុន សែន៖ “ខ្ញុំដាក់លក្ខណ្ឌថា ក្នុងករណីដែលប្រជាពលរដ្ឋបន្តចូលរួមអនុវត្ត ០៣ការពារ និង ០៣កុំ គឺខ្ញុំនឹងមិនចេញបទបញ្ជាបិទសាលារៀន និងការរៀបចំអាពាហ៍ពិពាហ៍នោះទេ។”៕
