ប៉េអឹមចាប់ស្ត្រីម្នាក់ដឹកជញ្ជូនគ្រឿងញៀនតាំងពីខេត្តតាកែវ រហូតមកដល់ភ្នំពេញ មួយចំនួនធំ
ភ្នំពេញ៖ កម្លាំងអាវុធហត្ថខេត្តតាកែវ សហការជាមួយ កម្លាំងការិយាល័យប្រឆាំងគ្រឿងញៀន អាវុធហត្ថលើផ្ទៃប្រទេស និងជំនាញ រាជធានីភ្នំពេញ និង អាវុធហត្ថ ខណ្ឌដង្កោ ចាប់ខ្លួនបានជនសង្ស័យម្នាក់ដឹកជញ្ជូនគ្រឿងញៀន នៅវេលាម៉ោង១៦និង២០នាទី រសៀលថ្ងៃទី២០ខែកុម្ភៈឆ្នាំ២០២១ ចំណុចមុខសាលាបឋមសិក្សាពងទឹក ភូមិ ពងទឹក សង្កាត់ពងទឹក ខណ្ឌ ដង្កោ។
ជនសង្ស័យឈ្មោះ ស្រ៊ុន ស្រីមុំ ភេទ ស្រី អាយុ ២៧ឆ្នាំ មុខរបរ មិនពិតប្រាកដ ទីកន្លែងកំណើត ឃុំប្រាសាទ ស្រុកកំពង់ត្របែក ខេត្តព្រៃវែង ។ ដកហូតវត្ថុតាងរួមមាន ១-ក្រាមពណ៌សថ្លា០២កញ្ចប់(សង្ស័យថាជាសារធាតុញៀន) ២-ម៉ូតូ០១គ្រឿងម៉ាកBeat ពណ៌សលាយខៀវពាក់ផ្លាកលេខភ្នំពេញ 1HX-7292 , ៣-ទូរស័ព្ទដៃ០១គ្រឿងម៉ាកVIVOពណ៌ខ្មៅ។
ក្រោយពីស្ដាប់ចម្លើយរបស់ជនសង្ស័យ ដែលមានឈ្មោះដូចខាងលើ នៅថ្ងៃខែឆ្នាំដដែលវេលាម៉ោង១៨និង០០នាទី រសៀលថ្ងៃដដែល កម្លាំងសមត្ថកិច្ចចម្រុះបន្តមកឆែកឆេរផ្ទះជួលរបស់ជនសង្សយ័ឈ្មោះ ស្រ៊ុន ស្រីមុំ ដែលមានអាសយដ្ឋានបុរីពិភពថ្មី១ ផ្ទះជួលលេខ៥៧A ផ្លូវលេខ១១ ភូមិប្រការសង្កាត់ព្រៃស ខណ្ឌដង្កោ រាជធានីភ្នំពេញ សមត្ថកិច្ចចម្រុះបានរកឃើញវត្ថុតាងរួមមាន ១-ក្រាមពណ៌សថ្លា១៣កញ្ចប់ធំ ។ ២-ជញ្ជីងសម្រាប់ថ្លឹងគ្រឿងញៀន០១គ្រឿង ។ ៣-ទូរស័ព្ទដៃចំនួន០៥គ្រឿង។ ជនសង្ស័យរួមទាំងវត្ថុតាងត្រូវបានកម្លាំងការិយាល័យ អាវុធហត្ថលើផ្ទៃប្រទេសប្រគល់ជូនកម្លាំងអាវុធហត្ថខេត្តតាកែវដែលជាម្ចាស់ករណីបន្តនីតិវិធី ៕
