ក្បាច់ចម្លាក់ និងរូបដំរី១គូរធ្វេីអំពីថ្ម ដែលបាននិងកំពង់ដំណេីរការសាងសង់ វត្តសំឡាញគឺជាការតាំងចិត្តរបស់ក្រុមការងារចុះជួយស្រុកសង្គមថ្មី

ព្រះវិហារ៖ ឯកឧត្តម​ មាស​ សុភា​ បានសម្តែងនូវការកោតសរសេីរចំពោះក្បាច់ចម្លាក់ និងរូបដំរី១គូរធ្វេីអំពីថ្ម  ដែលបាននិងកំពង់ដំណេីរការសាងសង់ វត្តសំឡាញគឺជាការតាំងចិត្តរបស់ក្រុមការងារចុះជួយស្រុកសង្គមថ្មី ។

   ឯកឧត្តម​ មាស​ សុភា​ កោតសរសេីរបែបនេះ​ នៅថ្ងៃទី៣០ ខែឧសភា ឆ្នាំ២០២២នេះ​ ខណៈអញ្ជេីញចុះពិនិត្យតាមស្នាក់ការគណបក្ស​ នៅស្រុកគូលែននិងស្រុកសង្គមថ្មី។

   លោក សំ លាងទ្រី ប្រធានក្រុមការងារខេត្ត ចុះជួយស្រុកសង្គមថ្មី បានអោយដឹងថា៖  នៅថ្ងៃទី៣០ ខែឧសភាឆ្នាំ២០២២នេះ​ ឯកឧត្តម​ មាស​ សុភា​ ប្រធានក្រុមការងារថ្នាក់កណ្តាលចុះមូលដ្ឋានខេត្តព្រះវិហារ​ បានអញ្ជេីញចុះពិនិត្យតាមស្នាក់ការគណបក្ស​ នៅស្រុកគូលែននិងស្រុកសង្គមថ្មី។ ជាមួយនឹងការបន្តចុះពិនិត្យមេីលសកម្មភាពសាងសង់ខ្លោងទ្វារវត្តទក្សិណគីរី ហៅវត្តសំឡាញ​។

   ឯកឧត្តម​ ក្នុងឱកាសនោះ ក៏បានមានប្រសាសន៍កោតសរសេីរចំពោះក្បាច់ចម្លាក់ និងរូបដំរី១គូរធ្វេីអំពីថ្ម  ដែលកំពង់ដំណេីរការសាងសង់នៅពេលនេះ​ គឺជាការតាំងចិត្តរបស់ក្រុមការងារចុះជួយស្រុកសង្គមថ្មី និងសប្បុរសជនមួយចំនួនទៀត​ ចាត់ទុកជាសម្បត្តិវប្បធម៍ជាតិ​ និងជាមរតកសម្រាប់ប្រជាពលរដ្ឋភូមិសំឡាញ​ ឃុំភ្នំត្បែងមួយ​ ស្រុកសង្គមថ្មីខេត្តព្រះវិហារ​ តរៀងទៅ៕