ចាប់ជនសង្ស័យ២នាក់ប្តីប្រពន្ធ ដកហូតគ្រឿងជាង៣០០គ្រាប់

ស្ទឹងត្រែង៖ នៅថ្ងៃទី១២កក្កដានេះកម្លាំងជំនាញគ្រឿងញៀននៃអធិការដ្ឋាននគរបាលស្រុកសៀមប៉ាង ដឹកនាំបញ្ជាផ្ទាល់ដោយលោកវរសេនីយ៍ឯក ជឹម អេន អធិការនគរបាល តាមការបញ្ជាពីលោកឧត្តមសេនីយ៍ទោ ស្នងការនគរបាលខេត្ត និងតាមបញ្ជាពីលោកព្រះរាជ្ជអាជ្ញា ច្រឹង ខ្មៅ កំលាំងជំនាញបានបង្ក្រាប់មេក្លោងគ្រឿងញៀនមួយករណី ចាប់យកវត្ថុតាងថ្នាំW Y ពណ៍ទឹកក្រូច ចំនួន ៣៣១គ្រាប់ ឃាត់ខ្លួនបានជនសង្ស័យ២នាក់ប្តីប្រពន្ធ ឈ្មោះ ចៃ ភារម្យ អាយុ៣៩ឆ្នាំ និងប្រពន្ធឈ្មោះ ធុង វ៉ាន់ឌិត អាយុ៣៥ឆ្នាំ នៅភូមិសៀមប៉ាង ឃំុសេកុង ស្រុកសៀុមប៉ាង ខេត្តស្ទឹងត្រែង៕