វត្តចំនួន៧ទទួលបានទៀនព្រះវស្សា ទេយ្យវត្ថុ និងបច្ច័យពីប្រធានក្រុមការងារ ចុះជួយស្រុកសង្គមថ្មី រួមនិងការប្រកាសតែតាំងព្រះអនុគណស្ដីទី
ព្រះវិហារ ៖ លោកសំ លាងទ្រីប្រធានក្រុមការងារថ្នាក់ខេត្ត ចុះជួយស្រុកសង្គមថ្មី និងជាប្រធានមន្ទីរសាធារណការ និងដឹកជញ្ជូនខេត្តព្រះវិហារ ព្រមទាំងលោកអនុប្រធានមន្ទីរ មន្រ្តីរាជការ នៃមន្ទីរសាធារណការ និងដឹកជញ្ជូនខេត្តព្រះវិហារ នៅថ្ងៃទី១៣ ខែកក្កដា ឆ្នាំ២០១៨បាននាំយកទៀនព្រះវស្សានិងទេយ្យវត្ថុ បច្ចយ័មួយចំនួនទៅប្រគេនព្រះសង្ឃ ចំនួន៧វត្តនៅតាមភូមិឃុំនានាទូទាំងស្រុកហើយជាមួយនោះក៏មានការប្រកាសតែតាំងព្រះអនុគណស្រុកស្ដីទីផងដែរ។
លោកសំ លាងទ្រី នៅក្នុងឱកាសនោះ បានមានប្រសាសន៍ពាំនាំនូវការផ្តាំផ្ញើរសាកសួរសុខទុក្ខពីសំណាក់លោកអ៊ុន
ចាន់ដាអភិបាលខេត្តព្រះវិហារជូនចំពោះព្រះសង្ឃ លោកយាយ លោកតានិងប្រជាពលរដ្ឋនៅក្នុងស្រុកសង្គមថ្មីនេះ។
លោកសំ លាងទ្រីបានបន្តថា វិសយ័ព្រះពុទ្ធសាសនាជាសាសនារបស់រដ្ឋ ត្រូវបានលើកតម្លើង ដែលខុសពីសម័យប៉ុលពតវិស័យព្រះពុទ្ធសាសនា ត្រូវបានថ្នាក់ដឹកនាំក្នុងរបបនោះ ធ្វើការលុបបំបាត់ចោលដោយវត្តអារ៉ាមនានា ត្រូវបានគេយកធ្វើជាឃ្លាំងដាក់សម្ភារៈ ដោយមិនឱ្យប្រជាពលរដ្ឋធ្វើបុណ្យទានឡើយ។
លោកសំ លាងទ្រីបន្តថា ក្រោយថ្ងៃរំដោះ៧មករាឆ្នាំ១៩៧៩វិសយ័ព្រះពុទ្ធសាសនាក៍ដូចជាវិសយ័ផ្សេងៗទៀត ត្រូវបានកកើតឡើងវិញដើម្បីរួមចំណែកការស្តារនិងអភិវឌ្ឍប្រទេសជាតិ អោយរីកចំរើនជឿនលឿនរហូតមកដល់សព្វថ្ងៃនេះដែលនេះ គឺផ្តើមចេញពីការលះបង់របស់ថ្នាក់ដឹកនាំ គ្រប់រូបរបស់គណបក្សប្រជាជនកម្ពុជាយើង។
លោកសំ លាងទ្រី ក៏បានសុំអោយលោកតា លោកយាយបងប្អូនប្រជាពលរដ្ឋ ត្រូវធ្វើការគាំទ្ររាជរដ្ឋាភិបាលគាំទ្រការដឹកនាំរបស់សម្តេចតេជោហ៊ុន សែន ដើម្បីអោយប្រទេសជាតិយើងកាន់តែមានការអភិវឌ្ឍតទៅទៀត ហើយលោកក៏អំពាវនាវឱ្យប្រជាពលរដ្ឋយើង អញ្ជើញទៅបោះឆ្នោតឱ្យបានគ្រប់ៗគ្នា នៅថ្ងៃទី២៩ខែកក្កដាឆ្នាំ២០១៨ខាងមុខនេះ បោះឆ្នោតជូនគណបក្សនយោបាយណា ដែលបានបំរើបងប្អូនពិតប្រាកដ។
សូមបញ្ជាក់ថា វត្តទាំង៧ដែលបានទទួលទៀនព្រះវស្សាក្នុងពេលនោះរួមមានវត្តតេជះរង្សី វត្តព្រះពោធិស្វាយធំ វត្តរអាងថ្មបីដុំវត្តឧត្តមគីរី វត្តសិរីមង្គល វត្តប្រាសាទឥសីតាបសនិងវត្តប្រាសាទព្រះខន័ស្ថិតនៅឃុំចំរើន ស្រុកសង្គមថ្មី ខេត្តព្រះវិហារ។
នៅព្រឹកថ្ងៃដដែលនោះដែរលោកសំ លាងទ្រីប្រធានមន្ទីរសាធារណការនិងដឹកជញ្ជូនខេត្តព្រះវិហារ រួមជាមួយ លោក ធួន សេងកេងប្រធានមន្ទីរទំនាក់ទំនងរដ្ឋសភា ព្រឹទ្ធសភា និងអធិការកិច្ចខេត្តព្រះវិហារ និងមន្ត្រី លោក រស់ ហេង អភិបាលស្រុកសង្គមថ្មី និងមន្ត្រីលោក ម៉ប ធិរិទ្ធិ អនុប្រធានមន្ទីរអភិវឌ្ឍន៍ជនបទខេត្ត។
ពាក់ព័ន្ធនឹងការប្រកាសតែងតាំងវិញ លោកសំ លាងទ្រី បានមានប្រសាសន៍លើកឡើងថា ថ្ងៃនេះ
ជាថ្ងៃល្អប្រសើរថ្លៃថ្លាបំផុត ដែលបាន ព្រះមេគណខេត្តព្រះវិហារ ឡុង សុមនីបាននិមន្តមកប្រកាសតែតាំងព្រះអនុគណស្ដីទីស្រុកសង្គមថ្មី ភិក្ខុ ឡុង ធឿន អតីតព្រះចៅអធិការវត្តទ្រីសទ្ធារាម ហៅវត្តសង្កែពីរដើម្បីដឹកនាំបន្តពីអនុគណស្រុកចាស់បានលាចាកសិក្ខាបទទៅ និងជាអ្នករម្ងាប់អធិករណ៍ និងសហការគ្រប់គ្រងគរុភណ្ឌសង្ឃមានដីធ្លីវត្តអារាម និងអប់រំពុទ្ធសាសនិកជន រៀនសូត្របដិបត្តិធម៌ វិន័យមានបិដកជាគោល អោយកាន់តែរីកចម្រើនបន្ថែមទៀត៕
