ចាប់ខ្លួនជនសង្ស័យ២នាក់ លួច ម៉ូតូ០១គ្រឿង
ភ្នំពញ៖ នគរបាលខណ្ឌមានជ័យ បានស្រាវជ្រាវរហូតដល់ចាប់ខ្លួនជនសង្ស័យ២នាក់ដែលលួច ម៉ូតូ០១គ្រឿងម៉ាកGPX DEMON 150GR នៅថ្ងៃទី១៥ខែមករានេះ បន្ទាប់ពីធ្វើសកម្មភាពកាលពីសប្តាហ៍មុន។
អធិការដ្ឋាននគរបាលខណ្ឌមានជ័យ បានរាយការណ៍ស្តីពីករណីអំពើលួច (យកម៉ូតូ០១គ្រឿងម៉ាកGPX DEMON 150GR ) កើតហេតុ នៅថ្ងៃទី០៥ ខែមករា ឆ្នាំ២០២០ វេលា ម៉ោង០៥និង៣០នាទីទៀបភ្លឺ នៅចំណុចក្នុងផ្ទះជួល ផ្លូវលេខ២៧១ ភូមិ ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
១-ជនសង្ស័យឈ្មោះ ឌឿន បញ្ញា ភេទប្រុស អាយុ ២៣ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ ភូមិ មានជ័យ២ សង្កាត់ ស្ទឹងមានជ័យទី១ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ (ឃាត់ខ្លួនមានផ្ទុកសារធាតុញៀន) ជាអ្នកលួចម៉ូតូជនរងគ្រោះ ។
២-ជនសង្ស័យឈ្មោះ ចាន់ណា ស៊ីនិត ភេទ ប្រុស អាយុ ២៣ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលំ ភូមិសិត្បូ ឃុំ សិត្បូ ស្រុកស្អាង ខេត្តកណ្តាល មុខរបររត់ម៉ូតូកង់បីឥណ្ឌា (ឃាត់ខ្លួនគ្មានផ្ទុកសារធាតុញៀន) ជាអ្នកទទួលផលចោរកម្ម ។
ជនរងគ្រោះឈ្មោះ ឆឺយ វិច្ឆិកា ភេទប្រុស អាយុ ២០ ឆ្នាំ ជនជាតិ ខ្មែរ ទីលំនៅផ្ទះជួល ផ្លូវលេខ២៧១ ភូមិ ១ សង្កាត់ ស្ទឹងមានជ័យទី១ ខណ្ឌ មានជ័យ រាជធានីភ្នំពេញ មុខរបរ និស្សិត។
សម្ភារៈបាត់បង់ ៖ ម៉ូតូ០១គ្រឿងម៉ាក GPX DEMON150GR ពណ៌ក្រហម ស៊េរី២០១៩ លេខតួ + លេខ ម៉ាស៊ីន 110137 ពាក់ស្លាកលេខ ភ្នំពេញ 1HG 8198 (ជារបស់ជនរងគ្រោះឈ្មោះ ឆឺយ វិច្ឆិកា) ។
វត្ថុតាងចាប់យក ៖ រថយន្ត០១គ្រឿងម៉ាកតូយ៉ូតាព្រូស ពណ៌ស ពាក់ផ្លាកលេខ ភ្នំពេញ 2AG 9715 (ជារបស់ជនសង្ស័យឈ្មោះ ចាន់ណា ស៊ីនិត ) ។
បច្ចុប្បន្នជនសង្ស័យឈ្មោះ ឌឿន បញ្ញា និងចាន់ណា ស៊ីនិត ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕
