មន្ទីរពេទ្យរ៉ូយ៉ាល់ភ្នំពេញ អបអរសាទរស្ដ្រីជនជាតិអង់គ្លេសដែលជាអ្នកជំងឺរលាក សួតប្រភេទ ថ្មី COVID-19 ហើយត្រូវបានព្យាបាលជាសះស្បើយ និងចាកចេញពីមន្ទីរពេទ្យ
ភ្នំពេញ៖ មន្ទីរពេទ្យរ៉ូយ៉ាល់ភ្នំពេញបានសម្ដែងនូវការអបអរសាទរចំពោះស្ត្រីជនជាតិអង់គ្លេសដែលជា អ្នកជំងឺរលាកសួតប្រភេទថ្មី COVID-19 ត្រូវបានព្យាបាលជាសះស្បើយពីមន្ទីរពេទ្យរ៉ូយ៉ាល់ ភ្នំពេញ ហើយអាចត្រឡប់ទៅកាន់ប្រទេសកំណើតវិញ។
លោក យ៉ុន សុខខុម ប្រធានផ្នែកទីផ្សារនៃមន្ទីរពេទ្យរ៉ូយ៉ាល់ភ្នំពេញ បានបញ្ជាក់ឱ្យដឹងថ្ងៃទី២៤ មីនា ឆ្នាំ២០២០នេះថា ៖ អ្នកជំងឺស្ត្រីជនជាតិអង់គ្លេសអាយុ ៦៥ ឆ្នាំរូបនេះ ត្រូវបានក្រុមគ្រូពេទ្យរបស់ មន្ទីរពេទ្យ រ៉ូយ៉ាល់ ភ្នំពេញ និងក្រុមគ្រូ ពេទ្យរបស់ អង្គការសុខ ភាពពិភពលោក (WHO) ក្រុមគ្រូពេទ្យរបស់ ក្រសួង សុខាភិបាលបានប្រកាសថាអ្នកជំងឺត្រូវបានជាសះស្ បើយពីជំងឺ រលាកសួត ប្រភេទថ្មី COVID-19 នៅថ្ងៃទី២២ ខែមីនា ឆ្នាំ២០២០ ដោយសម្អាងទៅលើ លទ្ធផលធ្វើតេស្ដ អវិជ្ជមាន ចំនួន ពីរដង ហើយ អាចចាកចេញពីមន្ទីរពេទ្យ ដើម្បីត្រឡប់ទៅប្រទេស របស់គាត់វិញបាន។
លោកបាន លើកឡើងថា ថ្នាក់ដឹកនាំរបស់មន្ទីរពេទ្យរ៉ូយ៉ាល់ភ្នំពេញ សូម ថ្លែងអំណរគុណ ដល់ ក្រុម គ្រូពេទ្យដែលបានថែទាំ និងព្យាបាលអ្នកជំងឺរួមមានដូចជា វេជ្ជ បណ្ឌិត គិលានុបដ្ឋាក គិលានុបដ្ឋាយិកា នឹងក្រុមការងារ របស់មន្ទីរពេទ្យរ៉ូយ៉ាល់ ភ្នំពេញផ្ទាល់ ដែលបានខិតខំប្រឹង ប្រែងលះបង់នូវពេលវេលា និងសុវត្ថិភាពផ្ទាល់ខ្លួនរបស់ពួកគាត់ ដើម្បី ផ្តល់ ការថែទាំដ៏ល្អបំផុត ដល់អ្នកជំងឺ។ ជាមួយគ្នានេះ ក្នុងនាមជាអ្នកជំងឺ និងមន្ទីរពេទ្យរ៉ូយ៉ាល់ ភ្នំពេញ ក៏សូមអំណរ គុណ យ៉ាង ជ្រាលជ្រៅចំពោះការគាំទ្រដ៏ធំធេងពីក្រសួងសុខាភិបាល នៃ ព្រះរាជាណាចក្រ កម្ពុជា ចំពោះការបញ្ជូនកញ្ចប់ឧបករណ៍វេជ្ជសាស្ត្ររបស់ខ្លួន និងថ្នាំ ប្រឆាំងវីរុសសម្រាប់ ព្យាបាល អ្នក ជំងឺ។
លោកក៏បាន ថ្លែងអំណរគុណ ចំពោះការគាំទ្រដ៏ធំធេង ពី សម្ព័ន្ធមិត្តអន្តរ ជាតិរបស់យើងដូចជា អង្គការសុខភាពពិភពលោក (WHO) ផ្នែកប្រយុទ្ធ ប្រឆាំងនឹងជំងឺឆ្លង របស់ សហរដ្ឋអាមេរិក (CDC) វិទ្យាស្ថានប៉ាស្ទ័រកម្ពុជា និងស្ថានទូត សម្រាប់ កិច្ចខិតខំប្រឹង ប្រែងរួម គ្នាក្នុងការធ្វើរោគវិនិច្ឆ័យ និងការព្យាបាលយ៉ាងយកចិត្តទុកដាក់ ដើម្បី ព្យាបាលអ្នក ជំងឺ ឱ្យជាសះស្បើយ។ ទន្ទឹមនេះ ថ្នាក់ដឹកនាំ និងបុគ្គលិកមន្ទីរពេទ្យ រ៉ូយ៉ាល់ភ្នំពេញ នឹង ខិតខំប្រឹង ប្រែងឱ្យអស់ពីសមត្ថភាព ដើម្បីផ្តល់ការព្យាបាលដោយសុវត្ថិភាពជូនប្រជាជន កម្ពុជា និងជន បរទេសនៅក្នុងប្រទេសកម្ពុជា។
លោក យ៉ុន សុខខុម ក៏បានអះអាងផងដែរ សព្វថ្ងៃនវ ពុំមានអ្នកជំងឺរលាកសួត ប្រភេទថ្មី COVID-19 ស្នាក់នៅ និងព្យាបាលក្នុងមន្ទីរពេទ្យរ៉ូយ៉ាល់ភ្នំពេញនោះទេ ហើយ សម្រាប់ អ្នកជំងឺ ដែលមានការសង្ស័យ មន្ទីរពេទ្យនឹងធ្វើការបញ្ជូនទៅកាន់មន្ទីរពេទ្យមិត្ដ ភាព ខ្មែរ-សូវៀត ដើម្បី ស្វែងរកជំងឺកូវីដ-១៩ តាមការណែនាំរបស់ក្រសួងសុខាភិបាល។
ជាមួយគ្នានេះដែរ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួង សុខាភិបាលបានថ្លែងអំណរគុណដល់មន្ទីរពេទ្យរ៉ូយ៉ាល់ភ្នំពេញ ដែលបានរួមចំណែកជួយ ព្យាបាល និងថែទាំស្ដ្រីជនជាតិអង់គ្លេស(ពិការ) អាយុ៦៥ឆ្នាំ ដែលជាអ្នកជំងឺរលាកសួត ប្រភេទ ថ្មី COVID-19 ហើយត្រូវបានព្យាបាលជាសះស្បើយ។ លោកជំទាវបានបញ្ជាក់ថា ស្ដ្រីជនជាតិអង់គ្លេសរូបនេះ ត្រូវបានបង្ហាញលទ្ធផលតេស្ដ អវិជ្ជមានវីរុសកូវីដ-១៩ ចំនួនពីរ ដង ហើយត្រូវបានឱ្យចាកចេញពីមន្ទីរពេទ្យរ៉ូយ៉ាល់ភ្នំពេញ នៅថ្ងៃទី២២ ខែមីនា ឆ្នាំ២០២០ និងអាចត្រឡប់ទៅកាន់ប្រទេសកំណើរបស់គាត់វិញ។
សូមបញ្ជាក់ថា អ្នកជំងឺស្ត្រីជនជាតិអង់គ្លេសអាយុ ៦៥ ឆ្នាំដែលមានជំងឺរលាកសួត ប្រភេទ ថ្មី COVID-19 ត្រូវបានផ្ទេរពីមន្ទីរពេទ្យបង្អែកខេត្តកំពង់ចាម រួចបន្តព្យាបាលនៅមន្ទីរ ពេទ្យ រ៉ូយ៉ាល់ពេញ ចាប់តាំងពីថ្ងៃទី១១ ខែមីនា ឆ្នាំ២០២០ បន្ទាប់ពីគាត់ត្រូវបានគេធ្វើរោគ វិនិច្ឆ័យ ឃើញថាមានជំងឺរលាកសួតប្រភេទថ្មី COVID-19 នៅថ្ងៃទី១១ ខែ មីនា ឆ្នាំ២០២០ ដោយអ្នក ជំងឺបានធ្វើការសហការបានយ៉ាងល្អជាមួយក្រុមគ្រូពេទ្យតាំងពីចូលព្យាបាលដំបូង រហូតដល់ ជាសះស្បើយ។ ក្រុមគ្រូពេទ្យបានធ្វើការព្យាបាលដោយប្រើថ្នាំ ប្រឆាំង វីរុស និងការ ព្យាបាល ដោយដាក់អុកស៊ីសែនដើម្បីជំនួយក្នុងការដកដង្ហើម ការធ្វើតេស្ត ផ្សេងៗពីមន្ទីរ ពិសោធន៍ ការ ថតកាំរស្មីអ៊ិច និងការស្កេនសួតត្រូវបានអនុវត្តន៍ ជាប្រចាំ រៀងរាល់៣ថ្ងៃម្តង ដើម្បីតាមដាន និងធានាសុវត្ថិភាពដល់អ្នកជំងឺ។ ក្រោយការព្យាបាលមួយ រយៈ ទើប មានការធ្វើតេស្តរក មេរោគរលាកសួតប្រភេទថ្មីឡើងវិញ ហើយលទ្ធផលបានបញ្ជាក់ថា អវិជ្ជ មានជា លើកដំបូងនៅ ថ្ងៃទី១៩ ខែមីនា ហើយបន្ទាប់មកទៀតគាត់ត្រូវបានធ្វើ តេស្ត អវិជ្ជមាន ជា លើកទីពីរដែលបានធ្វើឡើងនៅថ្ងៃទី២១និង២២ ខែមីនា ឆ្នាំ២០២០៕
