អ្នកលក់ផលិតផលតាមអនឡាញម្នាក់ សុំទោសសមត្ថកិច្ច ផុសពាក្យសំដី ប្រមាទ មើលងាយ ដល់មន្ត្រីចរាចរណ៍

ភ្នំពេញ៖ ស្នងការដ្ឋាននគរបាលរាជធានីភ្នំពេញ បានឲ្យដឹងថា នៅវេលាម៉ោង ១៤:០០នាទី រសៀលថ្ងៃព្រហស្បតិ៍ ទី២៦ ខែមីនា ឆ្នាំ២០២០ នារីម្នាក់ឈ្មោះ ព្រាប ម៉ៃកា អាយុ២៥ឆ្នាំ មុខរបរលក់ផលិតផលតាមអនឡាញ ដែលបានបើកបរល្មើសស្លាកសញ្ញាចរាចរណ៍ និងផុសពាក្យសំដី ប្រមាទ មើលងាយ ដល់មន្ត្រីចរាចរណ៍ នៅលើគណនីហ្វេសបុករបស់ខ្លួនដែលមានឈ្មោះ Nita Chheng កាលពីថ្ងៃទី២៤ ខែមីនា ឆ្នាំ២០២០ បានចូលខ្លួនមកសារភាពកំហុសដែលខ្លួនបានប្រព្រឹត្ត ក៏ដូចជាការធ្វើកិច្ចសន្យា និងសុំទោសជាសារធាណៈដល់សមត្ថកិច្ច និងប្រជាពលរដ្ឋទូទៅផងដែរ ៕