អភិបាលខណ្ឌបឹងកេងកង បើកកិច្ចប្រជុំស្ដីពី វិធានការ ការពារនៃជម្ងឺឆ្លងថ្មីកូវីដ១៩
ភ្នំពេញ៖កាលពីព្រឹកថ្ងៃទី០៩ខែមេសាឆ្នាំ២០២០នេះនៅសាលាខណ្ឌបឹងកេងកងបានរៀបចំកិច្ចប្រជុំស្ដីពីវិធានការ និងការការពារនៃជំងឺឆ្លងថ្មីកូវីដ-១៩( Covid-19)»។ ពិធីនេះដោយមានការចូលរួមពីសំណាក់លោក ធឹម សំអាន អភិបាល នៃគណៈអភិបាលខណ្ឌបឹងកេងកង និង អស់
លោក លោកស្រី អភិបាលរងខណ្ឌបឹងកេងកង លោកនាយករដ្ឋបាលខណ្ឌ លោកសមាជិកក្រុមប្រឹក្សាខណ្ឌព្រមទាំងអស់លោក លោកស្រី
ប្រធានភូមិទាំង៥៤ នៅក្នុងមូលដ្ឋានខណ្ឌបឹងកេងកង នៃរាជធានីភ្នំពេញ។ ជាមួយគ្នានេះលោកអភិបាលខណ្ឌបឹងកេងកងធឹម សំអានក៏បានឧបត្ថម្ភនៅសំភារៈដើម្បីបង្ការក្នុងការ ការពារមេរោគកូវីដ១៩ទៅដល់ប្រធានភូមិទាំង៥៤ភូមិ ដោយក្នុងម្នាក់ៗទទួលបាន៖
ថវិការចំនួន ៥០,០០០រៀល,ក្រម៉ា, ម៉ាស់, អាល់កុល។
ក្នុងឱកាសនោះដែរលោកអភិបាល ខណ្ឌបឹងកេងកងធឹម សំអានក៏បានមានមតិសំណេះសំណាល យ៉ាងក្បោះក្បាយដោយធ្វើការក្រើនរំលឹកទៅដល់អស់លោក លោកស្រីដែលជាប្រធានភូមិទាំងអស់អោយមានការប្រុងប្រយ័ត្នខ្ពស់ និងមានអនាម័យអោយបានគ្រប់ពេលវេលា ដើម្បីបង្ការទប់ស្កាត់ការពារនៃការឆ្លងរីករាលដាលនៃមេរោគកូវីដ១៩ពីមនុស្សម្នាក់ទៅមនុស្សម្នាក់ទៀត ហើយបើមានបងប្អូនដែលទើបវិលត្រលប់មកពីបរទេសត្រូវអោយពួកគាត់ស្នាក់នៅដាច់ដោយឡែកពីគេក្នុងរយៈពេល១៤ថ្ងៃ ហើយបើមានការសង្ស័យក្នុងករណីណាមួយនោះសូមទាក់ទងទៅលេខ១១៥ ។ដូចនេះយើងមិនត្រូវមើលរំលងឡើយក្នុងការថែទាំសុខភាពពោលគឺយើងរួមគ្នាប្រយុទ្ធប្រឆាំងមេរោគកូវីដ១៩តាមការណែនាំរបស់ក្រសួងសុខាភិបាល៕
