ប្រធានក្រុមការងារចុះជួយមូលដ្ឋានឃុំត្បែងខ្ពស់នាំយកកង់ សៀវភៅ ប៊ិច ជូនដល់ក្មួយៗសិស្សានុសិស្សក្រីក្រនិងពិនិត្យការសង់បង្គន់
កំពង់ឆ្នាំង៖នៅព្រឹកថ្ងៃសៅរ៍ ទី០៦ ខែកុម្ភៈ ឆ្នាំ២០២១ លោក ឈឹម សៅគី រដ្ឋលេខាធិការក្រសួងអភិវឌ្ឍន៍ជនបទ និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានឃុំត្បែងខ្ពស់ស្រុកសាមគ្គីមានជ័យខេត្តកំពង់ឆ្នាំងនិងលោក សំរិត សាត អនុប្រធានក្រុមការងារ រួមជាមួយលោក សាន វិសាល សមាជិកក្រុមការងារថ្នាក់កណ្តាល លោក លោកស្រីក្រុមការងារថ្នាក់ស្រុក ថ្នាក់ឃុំ មេភូមិស្រែសារ និងយុវជនឃុំ បានអញ្ជើញជួបសំណេះសំណាល និងចូលរួមគ្នាយកកង់សៀវភៅ ប៊ិច ជូនដល់ក្មួយៗសិស្សានុសិស្សក្រីក្រខ្វះលទ្ធភាពនៅមូលដ្ឋានឃុំត្បែងខ្ពស់។
មន្ត្រីមូលដ្ឋានបានឱ្យដឹងថា៖ការដែលលោកឈឹម សៅគី ចែកកង់ដល់សិស្សក្រីក្រនាឱកាសនេះគឺ ដើម្បីជួយសម្រួលដល់មធ្យោបាយធ្វើដំណើរ និងការសិក្សារៀនសូត្ររបស់ពួកគេ ដែលមានផ្ទះឆ្ងាយដាច់ស្រយាលពីសាលារៀន និងស្ថានភាពគ្រួសារមានជីវភាពខ្វះខាតផងដែរ ដែលប្រព្រឹត្តទៅនៅស្នាក់ការគណបក្សភូមិស្រែសារ ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង។
នៅព្រឹកថ្ងៃដដែលនេះលោកប្រធាននិងក្រុមការងារបានអញ្ជើញចុះត្រួតពិនិត្យអំពីបច្ចុប្បន្នភាពនៃការសាងសង់បង្គន់អនាម័យជំហានទី៤ចំនួន៧៨បង្គន់ទៀតចុងក្រោយ ក្រោមការឧបត្ថម្ភពីសំណាក់ឯកឧត្តម លោក លោកស្រី ក្រុមការងារគណបក្សប្រជាជនកម្ពុជាចុះមូលដ្ឋានឃុំត្បែងខ្ពស់ នៅភូមិមានកកើត ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង៕
