នគរបាលស្រុកពញាក្រែក ឃាត់ខ្លួនជនសង្ស័យ០១នាក់ អាយុ ៥៨ ឆ្នាំ ករណីរំលោភសេពសន្ថវៈ

ខេត្តត្បូងឃ្មុំ ៖ នគរបាលស្រុកពញាក្រែកឃាត់ខ្លួនជនសង្ស័យ០១នាក់ករណីរំលោភសេពសន្ថវៈ ហើយកសាងសំណុំរឿងចាត់ការតាមនីតិវិធី កាលពីថ្ងៃទី ១២ ខែ មីនា ឆ្នាំ ២០២១។

កម្លាំងជំនាញ នៃអធិការដ្ឋាននគរបាលស្រុកពញាក្រែក និងកម្លាំងប៉ុស្តិ៍នគរបាលរដ្ឋបាលក្រែក បានចុះធ្វើការស្រាវជ្រាវ ដល់កន្លែងកើតហេតុ ដោយបានឃាត់ខ្លួនជនសង្ស័យ ០១ នាក់ នៅចំណុចភូមិត្រសិត ឃុំក្រែក ស្រុកពញាក្រែក ខេត្តត្បូងឃ្មុំ ដែលបានរំលោភសេពសន្ថវៈ ទៅលើជនរងគ្រោះឈ្មោះស.ម រហូតបានសម្រេច កាលពីថ្ងៃទី ១០ ខែមីនា ឆ្នាំ២០២១ វេលាម៉ោង ១៣:០០នាទី ត្រង់ចំណុចចម្ការម្រេច ខាងជើងឈាងខាងកើតភូមិ៣៧ឃុំក្រែកស្រុក ពញាក្រែក ខេត្ត ត្បូងឃ្មុំ ។

ជនសង្ស័យឈ្មោះ សាន អេន ភេទប្រុស អាយុ ៥៨ ឆ្នាំ ជាតិខ្មែររស់នៅ ភូមិត្រសិត ឃុំក្រែកស្រុក ពញាក្រែក ខេត្តត្បូងឃ្មុំ ។

បច្ចុប្បន្ន ជនសង្ស័យ ត្រូវបានបញ្ជូនមកអធិការដ្ឋាននគរបាល ស្រុកពញាក្រែក ដើម្បីកសាងសំណុំរឿងចាត់ការតាមនីតិវិធី ។ រួមគ្នាបំបាត់អំពើអសីលធម៌ក្នុងសង្គមខ្មែរយើងទាំងអស់គ្នា៕