គម្រោងសាងសង់ ស្ពានកោះពេជ្រ និងកោះនរា អាចដាក់ឲ្យបងប្អូនប្រជាពលរដ្ឋធ្វេីដំណេីរនៅមុនព្រះរាជពិធីបុណ្យអុំទូកខាងមុខនេះ
ភ្នំពេញ៖ គម្រោងសាងសង់ ស្ពានកោះពេជ្រ និងកោះនរា កាន់តែជិតភ្ជាប់និស្ស័យ ក្រោមម្លប់តេជោសន្តិភាព ដោយស្ពាននេះ នឹងអាចដាក់ឲ្យបងប្អូនប្រជាពលរដ្ឋធ្វេីដំណេីរបាន នៅមុនព្រះរាជពិធីបុណ្យអុំទូកខាងមុខនេះ។
មន្ត្រីរដ្ឋបាលរាជធានីភ្នំពេញបានអោយដឹងថា៖ នៅសល់ប្រមាណ៩០ថ្ងៃទៀតទេ គម្រោងសាងសង់ ស្ពានកោះពេជ្រ និងកោះនរា នឹងស្ថាបនារួចរាល់ ហើយអាចដាក់ឲ្យបងប្អូនប្រជាពលរដ្ឋធ្វេីដំណេីរបាន នៅមុនព្រះរាជពិធីបុណ្យអុំទូកខាងមុខនេះ ដោយក្រុមការងារសាងសង់កំពុងខិតខំធ្វេីការងារយ៉ាងញ៉ាប់ដៃញ៉ាប់ជើង។ សូមគោរពដឹងគុណដ៏ជ្រាលជ្រៅបំផុត ចំពោះសម្តេចតេជោ បិតាស្ថាបនិកសន្តិភាពរបស់ប្រជាពលរដ្ឋកម្ពុជាយេីង ។
គួរបញ្ជាក់ថា៖ ស្ពាននេះមានប្រវែង ៨២៤ម៉ែត្រ និងទទឹង ២៤ ,៥០ម៉ែត្រ ហើយមាន៤គន្លង គឺ២គន្លងសម្រាប់រថយន្ត ១គន្លងសម្រាប់ម៉ូតូ និង១គន្លងទៀត សម្រាប់អ្នកថ្មើជើង។ស្ពានកោះនរាឆ្ពោះទៅកោះពេជ្រនេះ បានបើកការដ្ឋានដំណើរការសាងសង់កាលពីថ្ងៃទី២៦ ខែតុលា ឆ្នាំ២០២០ តាមការប៉ាន់ស្មានត្រូវប្រើពេល៣៥ខែដើម្បីស្ថាបនា និងចំណាយទុនវិនិយោគ ៣៨លានដុល្លារអាមេរិក សាងសង់ដោយក្រុមហ៊ុនវិនិយោគទុនអណិកជនកម្ពុជា (OCIC) ក្រោមការគ្រប់គ្រងរបស់រដ្ឋបាលរាជធានីភ្នំពេញ។ ចំពោះភាពចាំបាច់របស់ស្ពាននេះ អាចជួយសម្រួលដល់ការធ្វើដំណើចេញពីទឹកដីខណ្ឌច្បារអំពៅឆ្ពោះទៅមជ្ឈមណ្ឌលកោះពេជ្រ ដែលបច្ចុប្បន្នបង្កឲ្យមានការកកស្ទះចរាចរណ៍ជារៀងរាល់ថ្ងៃ បើទោះជាសាលារាជធានីភ្នំពេញដាក់សាឡាងសម្រាប់ចម្លងអ្នកដំណើរជាប់ការដ្ឋានស្ពានកោះនរាឆ្ពោះទៅកោះពេជ្ររហូតដល់ទៅ៤គ្រឿងយ៉ាងណាក្តី ក៏នៅតែកកស្ទះដដែល៕
