អធិការរងនគរបាលខណ្ឌចំការមនលោក ហួត គង់ ត្រូវបានសម្រេចដកហូតមុខតំណែង និងបណ្តេញចេញពីក្របខ័ណ្ឌនគរបាលជាតិ
ភ្នំពេញ៖នៅថ្ងៃទី៣១សីហា២០២៥នេះអធិការរងនគរបាលខណ្ឌចំការមនលោក ហួត គង់ ត្រូវឯកឧត្ដមស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃបានសម្រេចដកហូតមុខតំណែង និងបណ្តេញចេញពីក្របខ័ណ្ឌនគរបាលជាតិ។ នេះអនុវត្តតាមភិក្រមទាំង៥គឺកាត់ឬចៀរសាច់ស្អុយចោល។
យោងតាមប្រកាសក្រសួងមហាផ្ទៃការដកតំណែងនេះជាការអនុវត្តទណ្ឌកម្មខាងវិន័យចំពោះមន្ត្រីនគរបាលជាតិរបស់ឯកឧត្ដមស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
យោងតាមការងារចាំបាច់សម្រេច
ប្រការ១..ត្រូវបានអនុវត្តទណ្ឌកម្មខាងវិន័យចំពោះ វរសេនីយ៍ត្រី ហួត គង់ អត្តលេខ ២៧៧៤៧ អធិការង នៃអធិការដ្ឋាននគរបាលខណ្ឌចំការមន ស្នងការដ្ឋាននគរបាលរាជធានីភ្នំពេញ ចំណុះអគ្គស្នងការដ្ឋាន នគរបាលជាតិ តាមរូបភាព ដកហូតមុខតំណែង ឋានន្តរស័ក្តិ និងបណ្តេញចេញពីក្របខ័ណ្ឌមន្ត្រីនគរបាលជាតិ មូលហេតុ ល្មើសបទវិន័យនគរបាលជាតិកម្ពុជា។
គួររំលឹកថយក្រោយបន្តិច លោកអធិការរងម្នាក់នេះ មានសីលធម៌មិនល្អទេ កន្លងមកធ្លាប់ផឹកស៊ីស្រវឹងប្រេីហឹង្សាលេីប្រជាពលរដ្ឋម្ដងហេីយ កាលពីឆ្នាំ ២០២៣ ដោយវាយបុរសម្នាក់ក្នុងហេតុការណ៍គ្រោះថ្នាក់ចរាចរណ៍នាពេលកន្លងមក ហេីយត្រូវថ្នាក់លេី(ដាក់ពិន័យ)ដកបញ្ឈរជេីងម្ដងហេីយ ឥឡូវនេះមកសម្លុតគេម្តងទៀត ដោយគ្មានវិជ្ជាជីវៈជាមន្ត្រីនគរបាល ។
មន្រ្ដីនគរបាលយុត្តិធម៌ ជាមន្ត្រីអនុវត្តន៍ច្បាប់ ក្រៅពីមានចំណេះជំនាញលេីការងារស្រាវជ្រាវស៊េីបអង្កេត និង និតិវិធីច្បាប់ មន្ត្រីនគរបាលយុត្តិធម៌ ត្រូវមានសិលធម៍ គុណធម៌ មានវិន័យ ហើយមិនត្រូវចាត់ទុកប្រជាពលរដ្ឋជាសត្រូវទេ ។
មន្ត្រីនគរបាលយុត្តិធម៌ត្រូវកែលម្អរចំណុចខ្វះខាតមួយចំនួនរបស់ខ្លួនឡេីងវិញ។ ត្រូវចងចាំពាក្យមួយឃ្លាជានិច្ចថា “ នគរបាលជាកូនចៅរបស់ប្រជាជន មិនមែនជាចៅហ្វាយរបស់ប្រជាជនទេ “ ៕
