ចាប់នាយកផ្សាយព័ត៌មាន គេហទំព័រក្រាំងមាស និងសហការី បញ្ជូនទៅតុលាការ ករណីចុះផ្សាយព័ត៌មានប៉ះពាល់ឧកញ៉ា ទៀ វិចិត្រ
ខេត្តកំពង់ឆ្នាំង ៖ មន្ត្រីកងរាជអាវុធហត្ថខេត្តកំពង់ឆ្នាំងំង បានបញ្ជាក់ថា លោក ងិន វាសនា ជានាយកផ្សាយព័ត៌មានគេហទំព័រក្រាំងមាស បានទាមទារប្រាក់ចំនួន២៨០០ដុល្លារពីលោកឧកញ៉ា ទៀ វិចិត្រ បន្ទាប់ពីបានចុះផ្សាយព័ត៌មាន “អំពីលោកឧកញ៉ា ទៀ វិចិត្រ ក្នុងករណីនាំប្រេងគេចពន្ធ ចូលមកខេត្តព្រះសីហនុ ប្រទេសកម្ពុជា” ប៉ុន្តែចរចាត្រូវគ្នានៅលស់ត្រឹម ២.៤០០ដុល្លារ ជាថ្នូរនិងការបិទព័ត៌មាន ដែលបានចុះផ្សាយ ។ លោក ងិន វាសនា និងសហការីគេហទំព័រក្រាំងមាស ត្រូវបានមន្ត្រីកងរាជអាវុធហត្ថ កសាងសំណុំរឿងបញ្ជូនទៅតុលាការនៅរសៀលថ្ងៃទី១៩ ខែមិថុនានេះ ដើម្បីចាត់ការតាមនីតិវិធី ។
សូមបញ្ជាក់ថា នាយកការផ្សាយគេហទំព័រក្រាំងមាសងមាស លោក ងិន វាសនា ត្រូវបានកម្លាំងកងរាជអាវុធហត្ថធ្វើការឃាត់ខ្លួន នៅវេលាម៉ោងប្រមាណជាង៩ជិត១០ព្រឹក ថ្ងៃទី១៩ ខែមិថុនា ក្នុងហាងការហ្វេមួយ ជិតស្នងការដ្ឋាននគរបាលខេត្តកំពង់ឆ្នាំងចាស់ ស្ថិតនៅក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ដោយចោទប្រកាន់ពីបទបរិហារកេរ្តិ៍ និងកំហែងយកៗ ។
លោកលឹម ហាក់ មន្ត្រី កងរាជអាវុធហត្តខេត្តកំពង់ឆ្នាំង បានឲ្យដឹងថា ពិតជាមានការឃាត់ខ្លួនលោក ងិន វាសនា នាយកការផ្សាយគេហទំព័រក្រាំងមាសពិតមែន នៅព្រឹកថ្ងៃទី១៩ ខែមិថុនានេះ ពីបទបរិហារកេរ្តិ៍ និងកំហែងយក តាមពាក្យបណ្ដឹងរបស់មេធាវី របស់លោកឧកញ៉ាទៀ វិចិត្រ ដែលបានចោទប្រកាន់លើសបទល្មើសខាងលើ ។ សមត្ថកិច្ច ចាប់ លោក ងិន វាសនា ហើយនិងសហការីម្នាក់ទៀតឈ្មោះ ទូច ឌីន អាយុអាយុ៥១ឆ្នាំ។
បន្ទាប់ពីលោក ងិន វាសនា បានចុះផ្សាយអំពីលោកឧកញ៉ា ទៀ វិចិត្រ ក្នុងករណីនាំប្រេងគេចពន្ធ ចូលមកខេត្តព្រះសីហនុ ប្រទេសកម្ពុជាមកនោះ មេធាវីលោកឧកញ៉ា ទៀ វិចិត្រ បានបង្គាប់ឲ្យលោក ងិន វាសនា ចុះផ្សាយបកស្រាយឡើងវិញ ។ ប៉ុន្តែ មិនបានដឹងថា លោក ងិន វាសនា បានបកស្រាយបំភ្លឺឡើងវិញ ឬក៏មិនបានបកស្រាយ នៅក្នុងគេហទំព័ររបស់ខ្លួននោះ ដែរឬទេ ? ស្រាប់តែនៅព្រឹកថ្ងៃទី១៩ ខែមិថុនានេះ លោកងិន វាសនា ត្រូវបានចាប់ខ្លួន ដោយកម្លាំងកងរាជអាវុធហត្ថខេត្តកំពង់ឆ្នាំង ដែលជាបទល្មើសជាក់ស្ដែង ៕
