រថយន្តដឹកទំនិញ កុងតឺន័រ មួយគ្រឿង ដាច់ធ្លាក់ រ៉ឺម៉កសណ្ដោង លេីផ្លូវជាតិលេខ៤ សំណាងល្អ មិនបង្កគ្រោះថ្នាក់ ដល់អាយុជីវិតអ្នកដំណេីរ
កំពង់ស្ពឺ ÷ ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា កាលពីវេលាម៉ោង ៤និង៤៥នាទីទៀបភ្លឺ ថៃ្ងសៅរ៍ ទី២៨ ខែធ្នូ ឆ្នាំ២០១៩ នៅចំណុចភូមិព្រៃស្លឹក សង្កាត់ច្បារមន ក្រុងច្បារមន ខេត្តកំពង់ស្ពឺ លេីកំណាត់ផ្លូវលេខ៤ ចន្លោះគីឡូម៉ែត្រលេខ ៤៨-៤៩ មានគ្រោះថ្នាក់ចរាចរណ៍មួយកេីតឡេីង បង្កដោយរថយន្តដឹកទំនិញ កុងតឺន័រមួយគ្រឿង ម៉ាក Hino ក្បាលពណ៌ស ស្លាកលេខភ្នំពេញ 3E-5215 ភ្នំពេញ របស់ក្រុមហ៊ុនផែស្ងួត អូរលែរ ដោយបានផ្ដាច់ទូរកុងតឺន័រ ធ្លាក់មកលេីដី ប៉ុន្ដែបានធ្លាក់លេីចិញ្ចេីមថ្នល់ដីក្រហម។
តាមសេចក្ដីរាយការណ៍ ពីលោកវរសេនីយ៍ឯក អ៊ូច ហៀង អធិការក្រុងច្បារមន បានអោយដឹងថា ករណីខាងលើគឺរថយន្ដដឹកទំនិញកុងតឺន័រនេះបេីកបរក្នុងល្បឿនលឿនហេីយជួបនិងរថយន្ដមួយគ្រឿង បេីកបញ្រ្ចាសទិសគ្នា ក៏គេចចូលវិញដោយការបាត់ម្ចាស់ការធ្វើឲ្យរថយន្ដគ្រវីគ្រវ័តបណ្តាលអោយធ្លាក់ទូរកុងតឺន័រតែម្ដង គាប់ជួនពេលនោះគ្មានរថយន្ដ ឬអ្នកធ្វេីដំណេីរទេីបមិនបណ្តាលឲ្យគ្រោះថ្នាក់ដល់អាយុជីវិតមនុស្ស។
បច្ចុប្បន្នសមត្ថកិច្ចនគរបាល កំពុងជួយសម្របសម្រួល នៅគោលដៅកេីតហេតុខាងលើ និងចំណាត់ការស្ទួច យករថយន្ដនិងទូកុងតឺន័រចេញដេីម្បីចំណាត់ការ នីតិវិធីបន្ដ៕
