សម្រាប់មួយខែធ្នូឆ្នាំ២០១៩នេះ ការិយាល័យច្រកចេញ ចូលតែមួយខណ្ឌទួលគោក រកប្រាក់ចំណូលបានជាង២៦លានរៀលពីការផ្តល់សេវាផ្សេងៗជូនប្រជាពលរដ្ឋ

  ការបញ្ជាក់របស់លោកឯក ឃុនដឿន ខាងលើបានធ្វើឡើង ក្នុងកិច្ចប្រជុំសាមញ្ញលើកទី០៧របស់ក្រុមប្រឹក្សាខណ្ឌទួលគោក កាលពីព្រឹកថ្ងៃទី៣១ ធ្នូ២០១៩នៅសាលាខណ្ឌទួលគោក ក្រោមអធិបតីភាពលោកស្រី ញ៉ែម មុំ ប្រធានស្តីទីក្រុមប្រឹក្សាខណ្ឌទួលគោក និងលោកឯក ឃុនដឿនអភិបាលខណ្ឌទួលគោក ដោយមានការចូលរួមពីចៅសង្កាត់ទាំង១០ និងមន្ត្រីពាក់ព័ន្ធមួយចំនួនទៀត ។

  ក្នុងកិច្ចប្រជុំនោះដែរ លោកឯក ឃុនដឿនក៏បានជម្រុញអោយអាជ្ញាធរសង្កាត់ សមត្ថកិច្ចទាំង២ភេទពង្រឹងសន្តិសុខ សុវត្ថិភាពអោយបានល្អប្រសើរនៅក្នុងឱកាសបុណ្យចូលឆ្នាំសាកល២០១៩ចូលឆ្នាំ២០២០នេះ ដោយត្រូវចុះធ្វើការណែនាំនៅតាមហាងសប្បាយភាពនានា កុំអោយដុតផាវ ការស្លៀកពាក់លេចលើ លេចក្រោមដែលធ្វើអោយប៉ះពាល់ដល់ប្រពៃណីទំនៀមទំលាប់របស់ខ្មែរយើង៕