ចាប់ជនជាតិចិន៥នាក់ ចាប់ជំរិតចិនដូចគ្នា និងរំដោះស្រ្តីម្នាក់
ខេត្តព្រះសីហនុ៖ កម្លាំងកងរាជអាវុធហត្ថខេត្តព្រះសីហនុ បានបំបែកសំណុំរឿងបង្ខាំងមនុស្សជំរិតទារប្រាក់ ដែលមានជនសង្ស័យមួយក្រុមជាជនជាតិចិន បានធ្វើសកម្មភាពចាប់ជំរិតជនជាតិចិនដូចគ្នា នៅចំណុចផ្ទះជួលក្រោយវិទ្យាស្ថាន បណ្តុះបណ្តាលវិជ្ចាជីវៈ កាលពីល្ងាចថ្ងៃទី១៤ ខែមករា ឆ្នាំ២០២០នេះស្ថិតក្នុងក្រុម១៥ ភូមិ២ សង្កាត់៣ ក្រុងព្រះសីហនុ។
លោកឧត្តមសេនីយ៍ត្រី ហេង ប៊ុនទី មេបញ្ជាការអាវុធហត្ថខេត្ត បានបញ្ជាក់ថា ប្រតិបត្តិការនេះ ធ្វើឡើងក្រោមការបញ្ជាពី នាយឧត្តមសេនីយ៍ សៅ សុខា អគ្គមេបញ្ជាការរង និងជាមេបញ្ជាការកងរាជអាវុធហត្ថលើផ្ទៃប្រទេស និងលោក គួច ចំរើន អភិបាលខេត្តព្រះសីហនុ ក្រោមការសម្របសម្រួលពីលោក លឹម ប៊ុនហេង ព្រះរាជអាជ្ញារងអមសាលាដំបូងខេត្តព្រះសីហនុ បានរំដោះស្រ្តីរងគ្រោះ ឈ្មោះ CHEN GUIQONG កាន់លិខិតឆ្លងដែនលេខL11054567 និងឃាត់ខ្លួនបានជនសង្ស័យ៥នាក់ ជាជនជាតិចិនដូចគ្នា។
កម្លាំងកងរាជអាវុធហត្ថ ក៏ដកហូតបានលុយយន្ត ១៥០យន្ដ, លុយខ្មែរ ៦៩០០០រៀល លិខិតឆ្លងដែន៤ក្បាល រថយន្តស្តារិច ពាក់ផ្លាកលេខព្រះសីហនុ 2C-8756 មួយគ្រឿង ទូរស័ព្ទ២គ្រឿង អត្តសញ្ញាណប័ណ្ណចិន៧សន្លឹក កាបូបស្ពាយចំហៀង១ ស្រោមបិទមុខ៨ មាសបិទមុខ១ ម៉ាស៊ីនវេលុយ១គ្រឿង។
បច្ចុប្បន្នជនសង្ស័យ និងជនរងគ្រោះ កំពុងត្រូវបានកម្លាំងជំនាញកងរាជអាវុធហត្ថខេត្តព្រះសីហនុ ធ្វើការសាកសួរ ដើម្បីឈានទៅបញ្ជូនសំណុំរឿង ទៅកាន់សាលាដំបូងខេត្តព្រះសីហនុ បន្តនីតិវិធីតាមផ្លូវច្បាប់៕
