រយៈពេល២ម៉ោង កម្លាំងនគរបាលបឹងកេងកង ឃាត់ខ្លួនសិស្សសាលាអន្តរទ្វីបអាមេរិកកាំងម្នាក់ ករណីឃាតកម្ម
ភ្នំពេញ៖ កម្លាំងនគរបាលខណ្ឌបឹងកេងកង ដឹកនាំដោយលោកវរសេនីយ៍ទោ ស៊ឹម ពិសិដ្ឋ អធិការនគរបាលខណ្ឌរយៈពេល២ម៉ោងកម្លាំងជំនាញខណ្ឌសហការជាមួយកម្លាំងនគរបាល់ប៉ុស្តិ៍ បានឃាត់ខ្លួនជនសង្ស័យម្នាក់ ពាក់ព័ន្ធករណីឃាតកម្ម។
លោកអធិការបានឲ្យដឹងថាមានករណីឃាតកម្ម(វាយសម្លាប់ដោយដៃ) បានកើតឡើងឲនៅមុខផ្ទះលេខ២៣ ផ្លូវ១៩៥ ក្រុម២០ ភូមិ៣ សង្កាត់ទំនប់ទឹក ខណ្ឌបឹងកេងកង កាលពីវេលាម៉ោង១៥នឹង៤០នាទី ថ្ងៃទី១៨ ខែមករា ឆ្នាំ២០២០។
ជនសង្ស័យឈ្មោះ នី លីស៊ាង ប្រុស អាយុ១៤ឆ្នាំ ជនជាតិខ្មែរ មុខរបរសិស្សថ្នាក់ទី៩ឃ សាលាអន្ដរទ្វីបអាមេរិកកាំង ស្នាក់នៅផ្ទះលេខ៣A ផ្លូវ១២BTសង្កាត់បឹងទំពន់ទី១ ខណ្ឌមានជ័យ។
ជនរងគ្រោះ សំ សន្ធិវង្ស ភេទប្រុស អាយុ១៤ឆ្នាំ ខ្មែរមុខរបរសិស្សថ្នាក់ទី៩ឃ សាលាអន្តរទ្វិបអាមេរិកកាំងAIS ស្នាក់នៅផ្ទះលេខ៤៣០ ផ្លវ២៤BT ភូមិត្នោតជ្រំ សង្កាត់បឹងទំពន់ ខណ្ឌមានជ័យ។
លោកអធិការបានបញ្ជាក់ថា កាលពីថ្ងៃទី១៨ ខែមករា ឆ្នាំ២០២០ វេលាម៉ោងជនរងគ្រោះរួមជាមួយមិត្តភ័ក្ដ្របានជិះម៉ូតូចេញពីសាលាអន្ដរទ្វីបអារមេរិចកាំង ទៅជួបជាមួយជនសង្ស័យនៅផ្លូវ៤០២ សង្កាត់ទំនប់ទឹក ខណ្ឌបឹងកេងកង ដោយបានណាត់គ្នាវ៉ៃគ្នាជាមួយជនសង្ស័យ (មានទំនាស់នឹងគ្នារឿងហៅអាហ្គែង)បន្ទាប់ពីជួបគ្នាជាជនសង្ស័យក៏បានវាយគ្នាតែម្ដង ខណៈនោះជនរងគ្រោះក៏បានដួល ជនសង្ស័យឃើញដូចនេះក៏បានជិះម៉ូតូរត់គេចមកផ្ទះនៅម្តុំបឹងទំពន់ដោយជិះម៉ូតូម៉ាកToday គេចខ្លួនតែម្ដង។ បន្ទាប់មកជនរងគ្រោះត្រូវបានមិត្តភ័ក្ដ្រជូនទៅមន្ទីរពេទ្យមិត្តភាព ខ្មែរ-សូវៀត ប៉ុន្ដែត្រូវបានគ្រូពេទ្យប្រាប់ថាបានស្លាប់បាត់ហើយ។ ពេលនោះដែរខាងមន្ទីរពេទ្យក៏បានទូរស័ព្ទរាយការណ៍មកសមត្ថកិច្ចប៉ុស្តិ៍តែម្តង។
ក្រោយពីបានទទួលព័ត៌មានផ្នែកជំនាញ បានពិនិត្យនិងស្រាវជ្រាវបន្ទាន់ រហូតដល់ការឃាត់ខ្លួនបានក្រោយកើតហេតុរយៈពេលពីរម៉ោង ។ បច្ចុប្បន្នជនសង្ស័យរួមទាំងមធ្យោបាយត្រូវបានឃាត់ខ្លួននៅអធិការដ្ឋានដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ៕