នាយឧត្តមសេនីយ៍ កែ គឹមយ៉ាន ណែនាំ៧ចំណុចដល់គ្រប់ក្រសួង ស្ថាប័ន និងរាជធានី-ខេត្ត សំដៅប្រសិទ្ធភាពការងារត្រួតពិនិត្យគ្រឿងញៀន
ភ្នំពេញ៖ ថ្លែងទៅកាន់អង្គសន្និបាតទាំងមូលដែលមាន អ្នកចូលរួមពីគ្រប់សមាសភាពទាំងថ្នាក់ជាតិ ថ្នាក់ក្រោមជាតិ មូលដ្ឋាន និងតុលាការ ចំនួនជិត៦០០នាក់ នៅថ្ងៃទី១៧ ខែមីនា ឆ្នាំ២០២០ នេះ លោក នាយឧត្តមសេនីយ៍ កែ គឹមយ៉ាន អរគុណនិងកោតសរសើរ ចំពោះលទ្ធផលការងារ ត្រួតពិនិត្យគ្រឿងញៀនឆ្នាំ២០១៩ និងយុទ្ធនាការប្រយុទ្ធប្រឆាំងគ្រឿងញៀន ដំណាក់កាលទី៤ ដែលជាសមិទ្ធផលរបស់ក្រសួង ស្ថាប័ន និងសមត្ថកិច្ចពាក់ព័ន្ធ លើការងារអប់រំផ្សព្វផ្សាយ ការងារព្យាបាលនិងស្តារនីតិសម្បទា ការងារអនុវត្តច្បាប់ កិច្ចសហប្រតិបត្តិការអន្តរជាតិ និងការងាររៀបចំ និងពង្រឹងយន្តការនៅថ្នាក់ក្រោមជាតិ។
ក្នុងឱកាសនោះដែរ ដើម្បីឆ្លើយតបទៅនឹងចំណុចខ្វះខាត លោកនាយឧត្តមសេនីយ៍ កែ គឹមយ៉ាន បានណែនាំ៧ចំណុច ដល់គ្រប់ក្រសួង-ស្ថាប័ន អង្គភាពពាក់ព័ន្ធនៅថ្នាក់ជាតិ ថ្នាក់ក្រោមជាតិ មានដូចជា :
១. ការផ្សព្វផ្សាយ អប់រំ ពង្រឹងយន្តការរួម គ្រប់ក្រសួង-ស្ថាប័ន គ្រប់ប្រព័ន្ធផ្សព្វផ្សាយទាំងអស់លើការផ្សព្វផ្សាយ ពង្រឹងយន្តការបណ្តុះបណ្តាលជនបង្គោល តាមក្រសួង ស្ថាប័ន អង្គភាព សហគមន៍ និងមូលដ្ឋាន ឃុំ/សង្កាត់ គឺជាកត្តាចំបាច់ និនបង្កើនការបោះពុម្ភឯកសារនានា សម្រាប់បម្រើឲ្យការងារផ្សព្វផ្សាយអប់រំពីបញ្ហាគ្រឿងញៀន ។
២. ត្រូវពង្រឹងការអនុវត្តច្បាប់ទាំងសមត្ថភាព និងការអនុវត្តទិសស្លោករបស់សម្តេចក្រឡាហោម បីកុំ មួយរាយការណ៍ឲ្យបានម៉ឺងម៉ាត់លើកកម្ពស់កិច្ចប្រតិបត្តិការបង្ក្រាបគ្រឿងញៀនលើទិសដៅប្រតិបត្តិទាំងបួន ផ្លូវគោក ផ្លូវទឹក ផ្លូវអាកាស និងបញ្ញើប្រៃណីយ៍ និតិវិធីឃាត់ខ្លួន ឃុំខ្លួន ត្រូវដើរទន្ទឹមនឹងនិតិវិធីការបង្កកទ្រព្យសម្បត្តិ និងការរឹបអូសស្នើឲ្យស្ថាប័នពាក់ព័ន្ធធ្វើការពិនិត្យនូវសេចក្តីសម្រេច របស់តុលារការ ចំពោះករណីធំៗ ពង្រឹងយន្តការត្រួតពិនិត្យសារធាតុគីមីផ្សំ និងការបង្វែរសារធាតុទាំងនោះទៅផលិត កែច្នៃ គ្រឿងញៀនខុសច្បាប់
៣. ត្រូវពង្រឹងការងារព្យាបាល និងស្តារនីតិសម្បទាឲ្យសមស្រប និងឆ្លើយតបទៅនឹងស្ថានភាព នៃអ្នកញៀនគ្រឿងញៀន យន្តការសមាហរណកម្ម អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងគណៈកម្មាធិការព្យាបាល ទទួលបន្ទុកការងារព្យាបាល ស្តារនីតិសម្បទាអ្នកញៀនគ្រឿងញៀនរៀបចំយន្តការព្យាបាលឲ្យបានត្រឹមត្រូវ និងសមស្របតាមស្ថានភាព នៃជាតិពុលរបស់អ្នកញៀនគ្រឿងញៀន។
៤.ត្រូវពង្រឹងយន្តការនៅថ្នាក់ឃុំ/សង្កាត់ និងបណ្តាខេត្តជាប់ព្រំដែន ក្នុងការអនុវត្តគោលនយោបាយជាតិស្តីពីភូមិ ឃុំ/សង្កាត់ ស គ្មានគ្រឿងញៀន និងត្រូវបោះពុម្ភ នៅគោលយោបាយជាតិ ពីរ ភូមិ ឃុំ/សង្កាត់ ស គ្មានគ្រឿងញៀន និងបទពិសោធន៍អនុវត្តន៍ភូមិ ស នាពេលកន្លងមកចែកជូននៅបណ្តាឃុំ/សង្កាត់ ពិសេសឃុំ/សង្កាត់ជាប់ព្រំដែន ។
៥. ការអនុវត្តយុទ្ធនាការណ៍លើកទី៥ អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ត្រូវពង្រឹងយន្តការនៅតាមភូមិ ឃុំ/សង្កាត់ គាំទ្រការបោះពុម្ភឯកសារអប់រំ ផ្សព្វផ្សាយពីបញ្ហាគ្រឿងញៀន ការលើកសរសើរជូនរង្វាន់ដល់ក្រសួង ស្ថាប័ន ដែលបានអនុវត្តការងារជាពហុវិស័យ លើការងារប្រយុទ្ធប្រឆាំងគ្រឿងញៀន
៦. ស្នើសុំក្រសួង ស្ថាប័ន សាមីរៀបចំគម្រោងថវិកា បញ្ចូលក្នុងគម្រោងថវិការបស់ខ្លួន ពាក់ព័ន្ធនឹងការងារប្រយុទ្ធប្រឆាំងគ្រឿងញៀន ដើម្បីស្នើទៅក្រសួងសេដ្ឋកិច្ច និងហិរញ្ញវត្ថុ ។ ជាមួយនេះ ត្រូវចលនាស្វែងរកដៃគូជំនួយនានា ស្វែងរកសប្បុរសជនដើម្បីគាំទ្រ និងពន្លឿននីតិវិធីរឹបអូសទ្រព្យ និងលក់ទ្រព្យសម្បត្តិ ដែលជាផលនៃបទល្មើសគ្រឿងញៀន
៧. កិច្ចសហប្រតិបត្តិការអន្តរជាតិដោយសារការរីករាលដាលជំងឺ Covid-19 គ្រប់ការងារពាក់ព័ន្ធចេញទៅក្រៅប្រទេស ត្រូវផ្អាកជាបណ្តោះអាសន្ន ៕
