អគ្គីភ័យ បំផ្លាញផ្ទះប្រជាជននៅចំការមន
ភ្នំពេញ៖អគ្គីភ័យបានឆាបឆេះផ្ទះប្រជាជននៅតាមច្រកឌឿងហែម ស្ថិតនៅសង្កាត់ទន្លេបាសាកខណ្ឌចំការមនរាជធានីភ្នំពេញកាលពីព្រលប់នាយប់ថ្ងៃទី១៧ខែមិនាឆ្នាំ២០២០នេះ។
បើតាមសំដីម្ចាស់ផ្ទះបានឱ្យដឹងថា មុនកើតហេតុលឺសំឡេងផ្ទុះកំប៉ុងហ្គាស ក្នុងបន្ទប់ដេកជាន់ទី១ ហើយក៏បាននាំគ្នាចូលទៅមើលឃើញមានអណ្តាតភ្លើងឆាបឆេះរាលដាលដល់ពូកយ៉ាងសន្ធោសន្ធៅ។
សមត្ថកិច្ចហៅរថយន្តពន្លត់អគ្គិភ័យចុះ មកអន្តរាគមន៍ចំនួន៤គ្រឿងបាញ់ទឹកអស់ចំនួន១គ្រឿង ប្រើពេលវេលាអស់រយៈពេលជិតកន្លះម៉ោងទើបរលត់ទៅវិញជាស្ថាពរ នៅយប់ថ្ងៃដដែល។
សមត្ថកិច្ចបានបញ្ជាក់ថា ចំពោះករណីអគ្គិភ័យនេះ គឺរងការខូចខាតសម្ភារមួយចំនួននិងមិនបង្កឱ្យមានអ្នករងរបួសក្នុងហេតុការណ៍នេះទេ។
អាជ្ញាធរខណ្ឌចំការមនសូមថ្លែងអំណរអរគុណយ៉ាងជ្រាលជ្រៅ ចំពោះកងកម្លាំងដោយជាពិសេសដល់បងៗក្រុមសមត្ថកិច្ចប៉ូលិសផ្នែកបង្ការពន្លត់អគ្គីភ័យដែលបាន ញាប់ដៃញាប់ជើងចុះមកអន្តរាគមន៍ដោយបាញ់ទឹកពន្លត់បានទាន់ពេលវេលា៕
