អាជ្ញាធរខណ្ឌចំការមន ចុះបិទទីតាំងKTV,ក្លឹបកំសាន្ត, រោងភាពយន្ត
ភ្នំពេញ៖លោកថេង សុថុល អភិបាលខណ្ឌចំការមនបា នប្រាប់អោយដឹងនៅព្រឹក ថ្ងៃទី១៨ខែមីនាឆ្នាំ២០២០នេះថាដោយយោងលិខិតលេខ ០៤៣ សខល ចុះថ្ងៃទី១៧ ខែមីនា ឆ្នាំ២០២០ របស់ក្រសួងសុខាភិបាល និងលិខិតលេខ ១២៩សជណអរហ ចុះថ្ងៃទី១៧ ខែមីនា ឆ្នាំ២០២០ របស់ក្រសួងទេសចរណ៍.ក្នុងនោះកាលពីយប់មិញនេះគណៈបញ្ជាការឯកភាពខណ្ឌចំការមន ដឹកនាំដោយរូបខ្ញុំ ថេង សុថុល អភិបាល នៃគណៈអភិបាលខណ្ឌចំការមន បានចុះត្រួតពិនិត្យ និងធ្វេីកំណត់ហេតុអោយផ្អាកអាជីវកម្ម KTV ក្លឹបកំសាន្ត(ឌីស្កូរថេក រង្គសាល) និងរោងភាពយន្តជាបណ្ដោះអាសន្ននៅក្នុងមូលដ្ឋានខណ្ឌចំការមនរាជធានីភ្នំពេញ ក្នុងស្ថានភាពការពារជំងឺឆ្លងប្រភេទថ្មីកូវីដ-១៩ (Covid-19) ដែលកំពុងរីករាលដាលជាសកល ជាពិសេសក្នុងព្រះរាជាណាចក្រកម្ពុជា។
លោកអភិបាលខណ្ឌចំការមនបានអោយដឹងទៀតថា៖ចំពោះទីតាំងដែលត្រូវចុះបិទផ្អាកនាយប់មិញនេះរួមមាន៖
KTVសរុប២៣ទីតាំងគឺបិទបានទាំង២៣ទីតាំង,ក្លឹបកំសាន្តសរុប៨ទីតាំងបិទបាន៨ទីតាំង,ស្កាយបា៤បិទបាន៤ទីតាំង,បៀរហ្គាឌិន៣ទីតាំងបិតទាំង៣ទីតាំង,ផាប់សរុប២៨ទីតាំងចុះបិតទាំង២៨ទីតាំងនិងរោងភាពយន្ត១ក៏បិទដែរ។ហើយចំពោះម្ចាស់អាជីវកម្មទាំងអស់ខាងលើនោះ គឺពួកគាត់មានការយល់ព្រមតាមការណែនាំពីសំណាក់អាជ្ញាធរហើយជាពិសេសកន្លែង ខ្លះគាត់បានស្ម័គ្រ្គបិទមុនអាជ្ញាធរចុះទៅទៀតដោយសារពួកគាត់យល់ឃើញពីបញ្ហាខាងលើនេះ។ ដូចនេះសូមអរគុណដល់ម្ចាស់អាជីវកម្មទាំងអស់ខាងលើនេះដោយបានចូលរួមសហការណ៍គ្នាជាមួយខាងអាជ្ញាធរមូលដ្ឋានលើការងារនេះ៕
