ករណីកូវីដ-១៩ នៅកម្ពុជាកើនដល់៣៧
ភ្នំពេញ៖ ក្រសួងសុខាភិបាល បានប្រកាសរកឃើញអ្នកផ្ទុកកូវីដ-១៩ ចំនួន៤ករណីទៀត ដែលធ្វើឱ្យចំនួនករណីអ្នកផ្ទុកវីរុសនេះកើនដល់៣៧។
បើតាមសេចក្តីជូនព័ត៌មានរបស់ក្រសួងសុខាភិបាលនៅយប់ថ្ងៃទី១៨ខែមីនានេះ ស្តីពីការរកឃើញ២ករណីថ្មីទៀត ជាបុរសជនជាតិខ្មែរដែលវិលត្រឡប់ មកពីចូលរួមពិធីសាសនា នៅប្រទេសម៉ាឡេស៊ី និង២ករណីថ្មី ជាបុរសជនជាតិម៉ាឡេស៊ីមានវីរុសកូវីដ-១៩ សរុបករណីវិជ្ជមានវីរុសកូវីដ១៩នៅទូទាំងប្រទេស គិតយប់ថ្ងៃទី១៨មីនានេះ ចំនួន៣៧នាក់ (ស្រី២នាក់) ។
ក្រុមការងាររបស់ក្រសួងសុខាភិបាល កំពុងតែធ្វើកិច្ចការស្រាវជ្រាវករណីថ្មីជាបន្តទៀត ហើយនឹងបន្តជម្រាប់ជូនដល់បងប្អូនសាធារណជន ប្រសិនបើរកឃើញករណីវិជ្ជមានវីរុសកូវីដ១៩ថ្មីណាផ្សេងទៀត៕
