ឃាត់បុរសជនសង្ស័យ លួចម៉ូតូនិង រក្សាទុកគ្រឿងញៀន
ភ្នំពេញ : បុរសជនសង្ស័យម្នាក់ធ្ងន់ក២ករណីរក្សាទុកគ្រឿងញៀន៤កញ្ចប់និងលួចម៉ូតូត្រូវលោក ម៉ៅ សឿតអធិការខណ្ឌបង្ក្រាបបានកើតហេតុ កាលវេលាម៉ោង៩និង៣០នាទីព្រឹកថ្ងៃទី២៣ ខែ មីនា ឆ្នាំ ២០២០នៅចំណុចភូមិចំពុះក្អែក សង្កាត់ព្រែកថ្មី ខណ្ឌ ច្បារអំពៅ ។
ជនរងគ្រោះឈ្មោះប៉ក់ សារិទ្ធ ភេទប្រុស អាយុ៣៧ឆ្នាំ ជនជាតិខ្មែរ មុខរបរ ជាងភ្លើង ស្នាក់នៅភូមិព្រែកជាងព្រុំ សង្កាត់វាលស្បូវ ខណ្ឌច្បារអំពៅ។
ជនសង្ស័យឃាត់ខ្លួនឈ្មោះសូ រដ្ឋា ភេទ ប្រុស អាយុ២០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅភូមិចំពុះក្អែក សង្កាត់ ព្រែកថ្មី ខណ្ឌច្បារអំពៅឃាត់ខ្លួនពីបទលួចម៉ូតូ និងរក្សាទុក ដោយខុសច្បាប់នូវសារធាតុញៀន ។
លោក ម៉ៅ សឿត អធិការខណ្ឌច្បារអំពៅបានប្រាប់អោយដឹងថាហេតុការណ៍ មុនពេលកើតហេតុជនរងគ្រោះទុកម៉ូតូម៉ាកហុងដា សេ១២៥ ពណ៌ខ្មៅ ផ្លាកលេខភ្នំពេញ ១CC-៥១៤៣ នៅ ចំណុចកើតហេតុ ដោយចាក់សោកម៉ូតូត្រឹមត្រូវ រួចទៅរកត្រីនៅបឹងក្បែរនោះ ស្រាប់តែមានជនសង្ស័យ០២នាក់ ឈ្មោះសូ រដ្ឋា និងឈ្មោះបុត្រ ធ្វើសកម្មភាពយកកូនសោម៉ូតូផ្សេងមកចាក់ម៉ូតូជនរងគ្រោះ ជិះគេចខ្លួន ដោះផ្លាកលេខបោះចោលបាត់ រួចដោះកុងទ័រ,កាបាំងម៉ូតូនិងកាងម៉ូតូក្រោយលក់ឲ្យគេបានលុយ៥០ដុល្លារ ស៊ីចាយអស់។ លុះដល់ថ្ងៃទី២៣-០៣-២០២០ ម៉ោង០៩និង៣០នាទី ជនសង្ស័យឈ្មោះ សូ រដ្ឋា ជិះម៉ូតូទៅរកលក់ឲ្យគេនៅភូមិចំពុះក្អែក សង្កាត់ព្រែកថ្មី ខណ្ឌ ច្បារអំពៅ ក៏ត្រូវបាន ជនរងគ្រោះឃើញ រាយការណ៍ប្រាប់សមត្ថកិច្ចក្រោយពីទទួលព័ត៍មានភ្លាមចាត់កម្លាំងព្រហ្មទណ្ឌខណ្ឌសហការការប៉ុស្តិ៍ចុះឃាត់ខ្លួនជនសង្ស័យឈ្មោះ សូ រដ្ឋា និងម៉ូតូរបស់ជនរងគ្រោះ ព្រមទាំងត្រួតពិនិត្យលើខ្លួនជនសង្ស័យរកឃើញក្រាមពណ៌សថ្លា (សង្ស័យគ្រឿងញៀន) ០៤កញ្ចប់ថង់តូច រួចបញ្ជូនជនសង្ស័យ រួមនិងវត្ថុតាងមកអធិការដ្ឋាន នគរបាលខណ្ឌច្បារអំពៅ ចាត់ការតាមច្បាប់ ។
