សូមសរសើរ!បើកភ្លាមសមត្ថកិច្ចអាជ្ញាធរសង្កាត់!ខណ្ឌច្បារអំពៅចុះបង្ក្រាបភ្លាម
ភ្នំពេញ៖នាថ្ងៃទី០៥ខែមេសាឆ្នាំ២០២០នេះដោយមានការអនុញ្ញាតពីលោក សំម ឬទ្ធីវាសនា ព្រះរាជអាជ្ញាររង នៃអយ្យការអមសាលាដំបូងរាជធានីភ្នំពេញ និងដោយមាន បញ្ជាដោយផ្ទាល់ពីសំណាក់លោក ចេង មុនីរ៉ា អភិបាលខណ្ឌច្បារអំពៅ និងជាប្រធានគណ បញ្ជាការឯកភាពខណ្ឌច្បារ អំពៅ ដោយក្នុងនោះកម្លាំងចម្រុះនៃគណៈបញ្ជាការឯកភាពខណ្ឌច្បារអំពៅដែលដឹកនាំការងារនេះដោយលោក រស់ សុភ័ក្ត្រ អភិបាលរងខណ្ឌច្បារអំពៅ, លោក វរសេនីយ៍ទោ ម៉ៅ សឿត អធិការខណ្ឌច្បារអំពៅ, លោក លីវ វណ្ណថេង ចៅសង្កាត់ព្រែកថ្មី និងលោកវរសេនីយ៍ត្រី ម៉ៅ ស៊ីវន នាយប៉ុស្តិ៍ បាន ចុះបង្ក្រាបជាក់ស្តែងទីតាំង បើកល្បែងស៊ីសងខុសច្បាប់ (ជល់មាន់) នៅក្នុងដីឡូត៍គ្មានលេខ ភូមិចំពុះក្អែក១ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។
លោកអធិការបានអោយដឹងថាចំពោះសម្ភារះដកហូតវត្ថុតាងរួមមាន ៖ រថយន្ត ០៥គ្រឿង, ម៉ូតូ ១៨គ្រឿង, មាន់ជល់ ០៣ក្បាល (រស់), កៅអីជ័រ ១០០ និងស៊ុម សម្រាប់ក្រុងមាន់ ៥៦។ ចំណែកអ្នកញៀនល្បែងមកលេងជល់មាន់ បានរត់គេចខ្លួនដោយបាតជើងសព្រាត បាត់អស់ គ្មានសល់គឺនៅពេលសមត្ថកិច្ចចុះទៅដល់កន្លែងជល់មាន់ដាក់លុយខាងលើនោះ។
សូមបញ្ជាក់ថា ៖ទីតាំងខាងលើនេះ ទើបរៀបចំបើកដំណើរការឲ្យគេមកលេងជល់មាន់នៅព្រឹកមិញនេះទេពោលគឺបើកភ្លាមកម្លាំងសមត្ថកិច្ចអាជ្ញាធរខណ្ឌច្បារអំពៅចុះបង្ក្រាបភ្លាមក្នុងន័យលប់បំបាត់រាល់បនល្បែងសុីសងខុសច្បាប់ផងដែរហើយរាល់សកម្មភាពរបស់កម្លាំងសមត្ថកិច្ចអាជ្ញាធរខណ្ឌច្បារអំពៅចុះបង្ក្រាបបនល្បែងសុីសងជល់មាន់ដាក់លុយខាងលើនេះធ្វើអោយមហាជនទូទៅគាត់មានការគាំទ្រជាខ្លាំងខណៈពេលកម្លាំងសមត្ថកិច្ចអាជ្ញាធរខណ្ឌច្បារអំពៅប្រើកណ្ដាប់ដៃដែកចុះបង្ក្រាបបនល្បែងសុីសងខុសច្បាប់ខាងលើនេះ!សូមសរសើរ៕
