ចាប់បុរសម្នាក់ករណីហិង្សា វាយយកម៉ូតូ០១គ្រឿងម៉ាកស្គូបពី
ភ្នំពេញ៖ករណីអំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា(វាយយកម៉ូតូ០១គ្រឿងម៉ាកស្គូបពី)
កើតហេតុ ថ្ងៃទី ០៥ ខែ មេសា ឆ្នាំ ២០២០ វេលាម៉ោង២៣ម៉០០នាទីនៅចំណុចមុខផ្ទះលេខ៥A ផ្លូវលេខ៤៥BT ភូមិ សន្សំកុសល៦ សង្កាត់ បឹងទំពន់ទី១ ខណ្ឌ មានជ័យ រាជធានីភ្នំពេញ ។
ជនសង្ស័យឈ្មោះជិនអេលីយ៉ា ហៅស្ទិច ភេទ ប្រុស អាយុ២៧ឆ្នាំ ជនជាតិ ខ្មែរ ទីលំនៅនិង មុខរបរ មិនពិតប្រាកដ (ឃាត់ខ្លួនមានផ្ទុកសារធាតុញៀន) ។
ជនរងគ្រោះឈ្មោះលានវ៉ាន់រ៉ា ភេទស្រី អាយុ៣២ ឆ្នាំជនជាតិ ខ្មែរ ទីលំនៅផ្ទះជួល ផ្លូវលំ ភូមិ ត្នោតជ្រុំ៤សង្កាត់ បឹងទំពន់ទី២ ខណ្ឌ មានជ័យ រាជធានីភ្នំពេញ មុខរបរ នៅផ្ទះ ។
វត្ថុតាងចាប់យក៖ម៉ូតូ០១គ្រឿងម៉ាកស្គូបពីពណ៍សលេខតួ+ម៉ាស៊ីន8165305 ពាក់ស្លាកលេខភ្នំពេញ1HV 9157 (ជារបស់ជនរងគ្រោះ) ។
ហេតុការណ៍៖ កាលពីថ្ងៃទី០៥ ខែមេសាឆ្នាំ២០២០វេលាម៉ោង២៣ម៉០០នាទីជនរងគ្រោះឈ្មោះលានវ៉ាន់រ៉ាបានជិះម៉ូតូ០១គ្រឿងម៉ាកស្គូបពីពណ៍សពាក់ស្លាកលេខភ្នំពេញ1HV 9157 ដើររកប្តីម្នាក់ឯងដល់ចំណុចមុខផ្ទះ៥A ផ្លូវលេខ៤៥BT ភូមិ សន្សំកុសល៦ សង្កាត់ បឹងទំពន់ទី១ ខណ្ឌ មានជ័យ រាជធានីភ្នំពេញ (ចំណុចកើតហេតុ) ស្រាប់តែមានជនសង្ស័យចំនួន០២នាក់មិនស្គាល់អត្តសញ្ញាណជិះម៉ូតូ០១គ្រឿង(មិនស្គាល់ម៉ាក) មកធ្វើសកម្មភាពវាយជនរងគ្រោះយកម៉ូតូជិះគេចខ្លួនបាត់ ។លុះមកដល់ថ្ងៃទី០៦ខែមេសាឆ្នាំ២០២០វេលាម៉ោង០៨ម៉០០នាទីជនរងគ្រោះឈ្មោះលានវ៉ាន់រ៉ា បានទៅក្រុមហ៊ុនភ្ជាប់ប្រព័ន្ធGPS ឲ្យបើកមើលសញ្ញាប្រព័ន្ធGPS ដែលភ្ជាប់នៅម៉ូតូទើបឃើញម៉ូតូម៉ាកស្គូបពីពណ៍ស(ដែលត្រូវជនសង្ស័យវាយយកទៅ) នៅចំណុចមុខផ្ទះគ្មានលេខផ្លូវរថភ្លើងសង្កាត់ស្រះចកខណ្ឌដូនពេញ ក៏បានរាយការណ៍ប្រាប់នគរបាលប៉ុស្តិ៍បឹងទំពន់ទី១ ភ្លាមនោះកម្លាំងនគរបាលប៉ុស្តិ៍បឹងទំពន់ទី១បានចុះទៅចំណុចផ្ទះគ្មានលេខផ្លូវរថភ្លើងសង្កាត់ស្រះចកខណ្ឌដូនពេញ(ដែលសញ្ញាប្រព័ន្ធGPS បានបង្ហាញ) ពេលនោះស្រាប់តែមានជនសង្ស័យម្នាក់ឈ្មោះជិនអេលីយ៉ាហៅស្ទិច បានរត់ចេញពីក្នុងផ្ទះ សមត្ថកិច្ចយើងបានដេញចាប់ឃាត់ខ្លួនហើយជនរងគ្រោះឈ្មោះលានវ៉ាន់រ៉ាបានមកពិនិត្យមើលរួចអះអាងថាជនសង្ស័យឈ្មោះជិនអេលីយ៉ាហៅស្ទិច គឺពិតជាជនសង្ស័យម្នាក់ក្នុងចំណោម០២នាក់ដែលបានធ្វើសកម្មភាពវាយរូបគាត់យកម៉ូតូពិតប្រាកដមែនក្នុងពេលនោះសមត្ថកិច្ចយើងក៏បានឃាត់ខ្លួនជនសង្ស័យឈ្មោះជិនអេលីយ៉ាហៅស្ទិច ចំណែកបក្សពួកម្នាក់ទៀតមិនស្គាល់អត្តសញ្ញាណរត់គេចខ្លួនបាត់ ។
បច្ចុប្បន្នជនសង្ស័យឈ្មោះជិនអេលីយ៉ា ហៅស្ទិច ឃាត់ខ្លួននៅអធិការដ្ឋាននគរបាលខណ្ឌមានជ័យដើម្បីកសាងសំណុំរឿងចាត់តាមនីតិវិធី ៕
