ម្ចាស់ផ្ទះជួលនៅខណ្ឌចំការមន គាត់បញ្ចុះតំលៃ ចាប់ពី២០ភាគរយ ដល់៥០ភាគរយដល់អ្នកជួលស្នាក់នៅ
ភ្នំពេញ៖លោកថេង សុថុល អភិបាលខណ្ឌចំការមនបានអោយដឹងនៅព្រឹកថ្ងៃទី០៧ខែមេសាឆ្នាំ២០២០នេះថាដោយក្នុងមួយរយះនេះកម្លាំងសមត្ថកិច្ចអាជ្ញាធរណ្ឌចំការមនបានចុះជួបសំណេះសំណាលជាមួយបងប្អូនម្ចាស់ផ្ទះជួលនិងបងប្អូនប្រជាជនគាត់មកជួលស្នាកនៅក្នុងមូលដ្ឋានខណ្ឌចំការមនដោយម្ចាស់ផ្ទះជួលនិមួយៗគឺគាត់មានទឹកចិត្តល្អប្រពៃណាស់ដោយបញ្ចុះតំលៃផ្ទះជួលតាមជាក់ស្ដែងចាប់ពី២០ភាគរយដល់៥០ភាគរយឯណោះហើយម្ចាស់ផ្ទះជួលខ្លះទៀតគាត់អត់យកតំលៃផ្ទះជួលពីអ្នកមកជួលស្នាក់នៅដែលអត់មានការងារធ្វើពោលគឺកន្លែងពួកគាត់ខ្លះគេផ្អាកការងារមួយរយះសិនហើយថែមទាំងជួយឧបត្ថម្ភនូវស្បៀងអាហារតាមលទ្ឌភាពអោយអ្នកស្នាក់នៅអត់ការងារធ្វើថែងទៀតផង។
លោកថេង សុថុល អភិបាល នៃគណៈអភិបាលខណ្ឌចំការមនបានអោយដឹងទៀតថាដោយកាលពីថ្ងៃម្សិលមិញពោលគឺនៅរសៀលថ្ងៃទី០៦ខែមេសានេះដោយ បានដឹកនាំមន្ត្រីក្រោមឱវាទ ចុះជួបសំណេះសំណាលជាមួយបងប្អូនប្រជាជនស្នាក់នៅផ្ទះជួល និងម្ចាស់ផ្ទះជួលនៅក្នុងសង្កាត់ទន្លេបាសាកនិងសង្កាត់នានាឯទៀតរហូតដល់ពេលយប់
បានចុះជួបសំណេះសំណាលជាមួយបងប្អូនប្រជាជនមកស្នាក់នៅតាមផ្ទះជួល និងម្ចាស់ផ្ទះជួលនិមួយៗគឺពួកគាត់ការស្វាគមន៍ដល់កម្លាំងសមត្ថកិច្ចអាជ្ញាធរពេលចុះជួបសំណេះសំណាលដល់ផ្ទះដូចនេះ។
លោកអភិបាលខណ្ឌបន្តទៀតថាដោយបានសម្របសម្រួលរវាងរដ្ឋបាលខណ្ឌចំការមន និងម្ចាស់ផ្ទះជួល ខាងម្ចាស់ផ្ទះជួលដោយពួកគាត់បានស្ម័គ្រចិត្តចូលរួមបញ្ចុះតម្លៃឈ្នួលផ្ទះ ក្នុងនោះបងប្អូនប្រជាជនដែលជួលផ្ទះខាងលេីមានភាពសប្បាយរីរាយ។
លោកថេង សុថុល អភិបាលខណ្ឌចំការមនបានលើកឡើងដោយសង្កត់ធ្ងន់ថានេះគឺជាសិល្បះនៃការចែករំលែកទោះបីតិចក្ដីច្រើនក្ដីក្នុងការបញ្ចុះតំលៃបន្ទប់ផ្ទះជួលក្នុងការជួយសម្រួលដល់ការដល់បងប្អូនប្រជាជនដែលមកជួលស្នាក់នៅហើយរាល់សកម្មភាពនេះគឺជាការចូលរួមជាមួយរាជរដ្ឋាភិបាលកម្ពុជាដើម្បីប្រយុទ្ធប្រឆាំងទៅនឹងជម្ងឺកូវីដ១៩៕
