អាជ្ញាធរខណ្ឌបឹងកេងកង ចុះចែកសម្ភារៈប្រើប្រាស់ បង្ការការពារមេរោគកូវីដ១៩និង អំណោយជូនដល់ប្រជាជនទីទ័លក្រ៤១គ្រួសារនៅសង្កាត់ទទួលស្វាយព្រៃទី១
ភ្នំពេញ៖កាលពីរសៀលថ្ងៃទី០៨ខែមេសាឆ្នាំ២០២០នេះលោកស្រីសុិន រតនា អភិបាលរងខណ្ឌបឹងកេងកងនិងជាតំណាងលោកអភិបាលខណ្ឌបឹងកេងកងធឹម សំអានបានដឹកនាំកម្លាំងរួមមានប្រធាន អនុប្រធានការិយាល័យព្រមទាំងមន្រ្តីសាលាខណ្ឌជាច្រើនរូបទៀតដោយចុះសាកសួរសុខទុក្ខនិងផ្ដល់អំណោយជូនប្រជាជនទីទ័លក្រចំនួន៤១គ្រួសារនៅសង្កាត់ទួលស្វាយព្រៃទី១ខណ្ឌបឹងកេងកង។ចំពោះអំណោយចែកជូនដល់ដៃប្រជាជននោះរួមមានអង្ក០៥គីឡូ,ទឹកអាកុល,,ម៉ាស,ថវិការ១មុឺនរៀល,ប្រេងឆា,សាប៊ូ,ក្រដាសើម១ដុំ,អំបិល,ទឹកត្រី,ទឹកដោះគោ,១យួរនិងស្រោមដៃដើម្បីទុកប្រើប្រាស់ក្នុងការ ការពារបង្ការទប់ស្កាត់ការរាតត្បាតនៃជំងឺកូវីដ ១៩។
លោកស្រីសុិន រតនា អភិបាលរងខណ្ឌបឹងកេងកងបានអោយដឹងទៀតថាដោយសូមអោយបងប្អូនប្រជាជនទាំងអស់ចូលរួមធ្វើអនាម័យដោយលាងសម្អាតដៃនឹងសាប៊ូជាប្រចាំអោយបានទៀងទាត់និងពាក់ម៉ាស,ពាក់ស្រោមដៃជាប្រចាំដើម្បីថែរក្សានូវសុខភាពអោយបានល្អប្រសើរពោលគឺការពារប្រសើរជាជាងព្យាបាលគឺត្រូវតែស្អាតនិងមានអនាម័យជានិច្ចការពារខ្លួនយើងក៏ដូចការពារក្រុមគ្រួសារយើងផងដែរ។ដូចនេះយើងមិនត្រូវមើលរំលងឡើយក្នុងការថែទាំសុខភាពពោលគឺយើងរួមគ្នាប្រយុទ្ធប្រឆាំងមេរោគកូវីដ១៩តាមការណែនាំរបស់ក្រសួងសុខាភិបាល៕
