ពស់លូនចូលក្នុងម៉ុង ចឹកក្មេងប្រុស ស្លាប់
ស្ទឹងត្រែង៖ សត្វពស់វែកមួយក្បាល បានលូនចូលក្នុងម៉ុង ចឹងក្មេងប្រុសម្នាក់ មានអាយុ៨ឆ្នាំ បាត់បង់ជីវិត។ ករណីនេះ កើតមាននៅភូមិអូរលាងក្រួស ឃុំក្បាលរមាស ស្រុកសេសាន ខេត្តស្ទឹងត្រែង នៅថ្ងៃទី១០ ខែមេសា ឆ្នាំ២០២០។
លោក ភុយ លី ប្រធានមណ្ឌលសុខភាពក្បាលរមាស បានឲ្យដឹងថា ករណីពស់ចឹកក្មេង មានអាយុ៨ឆ្នាំ នៅភូមិអូរលាងក្រួស ឃុំ ក្បាលរមាស ស្រុកសេសាន បណ្តាលក្មេងនោះស្លាប់ ដោយពួកគាត់ មិនបានស្វែងរកការព្យាបាល តាមផ្នែកវេជ្ជសាស្ត្រ ទាន់ពេល។
ក្រុមគ្រួសារ មិនបានដឹកក្មេងរងគ្រោះ មកពេទ្យទាន់ពេលវេលា ក្រោយពេលពស់ចឹក ក្រោម ២ម៉ោង ក្មេងនោះបាត់បង់ជីវិត។ ពស់ដែលចឹកក្មេងមានពឹសខ្លាំងណាស់។ ហើយពស់ដែលចឹកក្មេង ត្រូវគេវាយសម្លាប់ផងដែរ៕
