ចូលរួមបង្កាត់ទប់ស្កាត់មេរោគ COVID-19 អធិការខណ្ឌប្ញស្សីកែវដាក់កម្លាំងតាមវត្តចែកម៉ាស់ និងបាញ់កំដៅដល់ពុទ្ឋបរិស័ទ
ភ្នំពេញ ៖ ចូលរួមបង្កាត់ទប់ស្កាត់មេរោគ COVID-19 នៅព្រឹកថ្ងៃទី១៤ ខែមេសា ឆ្នាំ២០២០ ដែលជាថ្ងៃចូលឆ្នាំដំបូងប្រពៃណីជាតិខ្មែរ លោកអធិការខណ្ឌប្ញស្សីកែវបានដាក់កម្លាំងតាមវត្ត ដើម្បីចែកម៉ាស់ និងបាញ់កំដៅដល់ពុទ្ឋបរិស័ទ ដែលអញ្ជើញមកវត្តដើម្បីប្រគេនចង្ហាន់ដល់ព្រះសង្ឃ ឧទ្ទិសកុសលដល់បុព្វការីជន ជីដូន ជីតា ញាតិការទាំង៧សណ្តាន ដែលបានចែកឋានទៅហើយនោះ ។
លោក ហ៊ាង ថារ៉េត អធិការខណ្ឌប្ញស្សីកែវ បានអោយដឹងថា កម្លាំងអធិដ្ឋាន និងប៉ុស្តិ៍ បានសហការជាមួយគណៈកម្មការតសមបណ្តាវត្ត ចុះតាមវត្ត ដោយមានបាញ់អាកុល និងចែកម៉ាស់ ដល់ពុទ្ធបរិស័ទដែលមកវត្តប្រគេនព្រះសង្ឃ ។ លោកបញ្ជាក់ថា នៅក្នុងមូលដ្ឋានខណ្ឌប្ញស្សីកែវ មានចំនួន ៥ ។
លោក ហ៊ាង ថារ៉េត អធិការខណ្ឌឬស្សីកែវបានដឹកនាំកម្លាំងប៉ុស្តិ៍ទាំង៧ សហការជាមួយគណៈបញ្ជាការខណ្ឌ និងគណៈកម្មការអាចារ្យវត្ត ចុះតាមវត្តអារាមចំនួន៥ ដែលស្ថិតក្នុងមូលដ្ឋានខ្លួន ដើម្បីវាស់កម្តៅ បាញ់អាកុលនិងចែកម៉ាសជូនពុទ្ធបរិស័ទដែលមកវត្តប្រគេនព្រះសង្ឃ ព្រមធ្វើការអំពាវនាវឲ្យមានការថែទាំសុខភាពល្អការឆ្លងវីរុស កូវីដ19 ដូចជាចូលរួមប្រយុទ្ធប្រឆាំងនឹងជំងឺ កូវីដ19 យោងតាមអនុសាសន៍របស់សម្ដេចតេជោហ៊ុនសែន ។
ឆ្លៀតឱកាសក្នុងការវាស់កំដៅ បាញ់កុល ចែកម៉ាស នេះ លោក ហ៊ាង ថារ៉េត បានដឹកនាំកម្លាំងប៉ុស្តិ៍ទាំង៧ចុះការពារជូនពុទ្ធបរិស័ទដែលមកវត្តកុំឲ្យមានជនឆ្លៀតឱកាសបន្លំលួច ឆក់ ប្លន់ សម្ភារៈរបស់គាត់ផងដែរ។
សូមជម្រាបថា នៅថ្ងៃទី១៤ ខែមេសា ឆ្នាំ២០២០ ក្រសួងសុខាភិបាល បានចេញប្រកាសនូវដំណឹងដ៏សែនរីករាយដល់ប្រជាពលរដ្ឋបន្តទៀតថា អ្នកជំងឺកូវីដ១៩ បានជាសះស្បើយរហូតដល់ ១៤នាក់ថ្មីទៀត ធ្វើឲ្យចំនួនអ្នកជាសះស្បើយកើនឡើងរហូតដល់៩១នាក់ ហើយពិសេសបំផុតគ្មានអ្នកឆ្លងជំងឺកូវីដថ្មីទេ៕