លោក Joe Biden ទទួលបានជោគជ័យក្នុងការបោះឆ្នោត ក្លាយជាប្រធានាធិបតីរបស់សហរដ្ឋអាមេរិកទី៤៦
នៅទីបំផុតបេក្ខជនប្រធានាធិបតីអាមេរិក លោក ចូ បៃដិន (Joe Biden) ទទួលបានជោគជ័យក្នុងការបោះឆ្នោតជ្រើសរើសប្រធានាធីបតីអាមេរិក នេះយោងតាមសារព័ត៌មាន CNN និងសារព័ត៌មាន AP និង CNA ចេញផ្សាយនាយប់ថ្ងៃទី៧ ខែវិច្ឆិកា ឆ្នាំ២០២០។
លោក Joe Biden ក្លាយជាប្រធានាធិបតីទី៤៦របស់សហរដ្ឋអាមេរិក។ លោក Joe Biden ទទួលបានចំនួនតំណាងអ្នកបោះឆ្នោត ២៩០ ចំណេកលោក ដូណាល់ ត្រាំ ទទួលបាន ត្រឹមតែ២១៤។
សូមបញ្ជាក់ផងដែរថា តាមតួលេខជាបឋម បានបញ្ជាក់ថា Joe Biden មកពីគណបក្សប្រជាធិបតេយ្យ ទទួលបានការបោះឆ្នោតជូន ៧៤.៨៤៧.៨៣៤នាក់ ស្មើនឹង៥០,៦% នៃចំនួនសរុប។ ចំណែកឯលោក Donald Trump ដែលមកពីគណបក្សសាធារណរដ្ឋ ទទួលបានការបោះឆ្នោះជូន ចំនួន៧០.៥៩១.៥៣១ ស្មើនឹង៤៧,៧%ប៉ុណ្នោះ។
បេក្ខជនទាំងពីរ ត្រូវការសំឡេងចាប់ពី ២៧០ឡើងទៅទើបសន្មត់ថា ឈ្នះឆ្នោត ក្លាយជាប្រធានាធិបតីសហរដ្ឋអាមេរិក៕
