លោកស្រីស្មៀនសង្កាត់ព្រែកឯង យកអំណោយប្រគល់ជូន ស.ស.យ.កសង្កាត់២រូប ទើបសម្រាលបុត្រនិងប្រជាការពារភូមិ២រូបមានជីវភាពខ្វះខាតបានទទួលអំណោយ
ភ្នំពេញ៖នាថ្ងៃទី ០៣ ខែ កុម្ភៈ ឆ្នាំ ២០២១ នេះលោកស្រី សុផាត ស្រីវ៉ុន ស្មៀនសង្កាត់ព្រែកឯង តំណាងលោក នេត សារ៉ែន ចៅសង្កាត់ព្រែកឯង និង សហការីបានចុះសាកសួរសុខទុក្ខនិងយកអំណោយជូនដល់ប្រជាការពារភូមិចំនួន ២ រូប ដល់លំនៅស្ថានដែលពួកគាត់មានជីវភាពខ្វះខាតផងដែរហើយក្នុងនោះដែរលោកចៅសង្កាត់គាត់បានឧបត្ថមក្នុងម្នាក់ៗទទួលបានអង្ករ២០គីឡូក្រាម ទឹកត្រី១យួរ ,ទឹកស៉ីអ៉ី១យួរ និង ថវិកាចំនួន ៥ ម៉ឺនរៀល និងបានបន្តដំណើរក្រុមការងារទៅចុះសួរសុខទុក ដល់យុវជន សសយក សង្កាត់ព្រែកឯង ដែលទើបសម្រាលបុត្រចំនួន ២រូប ដោយមានថវិកាមួយចំនួន ពី ឯកឧត្តម ស៊ុយ សេរិទ្ធ អភិបាលរងរាជធានីភ្នំពេញ និងប្រធានក្រុមការងារចុជួយសង្កាត់ព្រែកឯងលោក រស់ សុភ័ក្តអភិបាលរងខណ្ឌច្បារអំពៅនិងជា ប្រធានសសយកខណ្ឌ ច្បារអំពៅ,លោក ញាណ ច័ន្ទសោភា នាយករដ្ឋបាលខណ្ឌច្បារអំពៅ,លោកស្រី សុផាត ស្រីវ៉ុនស្មៀនសង្កាត់ព្រែកឯងនិងជា ប្រធានសសយកសង្កាត់ ព្រែកឯង.លោកស្រី ហ៊ុយ សុខណា មេភូមិមិត្តភាព១។
លោកស្រីស្មៀនសង្កាត់ព្រែកឯងផាត ស្រីវ៉ុនបានមានមតិលើកឡើងថាថ្វីត្បិតអំណោយទាំងនេះមានបរិមាណមិនសូវច្រើនក្ដីតែនេះគឺជាទឹកចិត្តដ៏ប្រពៃក្នុងការអាណិតអាសូររបស់ថ្នាក់ដឹកនាំហើយអំណោយទាំងអស់ខាងលើនេះនិងបានជួយចែករំលែករាល់ការលំបាកបានមួយគ្រាផងដែរ។
ឆ្លៀតក្នុងឱកាសនោះដែរលោកស្រីស្មៀនសង្កាត់ព្រែកឯងដោយបានរំលឹកទៅដល់បងប្អូនប្រជាជនក្នុងមូលដ្ឋានមើលថែទាំសុខភាព និង អនុវត្តន៍នូវវិធានការដោយបង្ការ ទប់ស្កាត់តាមការណែនាំរបស់ក្រសួងសុខាភិបាលពោលគឺយើងរួមគ្នាប្រយុទ្ធប្រឆាំងមេរោគកូវីដ១៩៕
