ការបង្ក្រាបករណីឆក់២ករណី ឃាត់ខ្លួនជនសង្ស័យចំនួន៤នាក់
ខេត្តព្រះសីហនុ ៖ នៅថ្ងៃទី១៧ ខែកុម្ភៈ ឆ្នាំ២០២១ វេលាម៉ោង១០:០០នាទីព្រឹកនៅលើដងផ្លូវជាតិ៤ ស្ថិតក្នុងភូមិជើងគោ ឃុំជើងគោ និងភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ មានករណីឆក់២ករណី:
ករណីទី១: ជនសង្ស័យចំនួន២នាក់(១-ឈ្មោះ រឿន ភារះ ភេទប្រុស អាយុ២១ឆ្នាំ មុខរបរមិនពិតប្រាកដ មានទីលំនៅភូមិព្រៃតានប់ ឃុំមហាឫស្សី ស្រុកគងពិសី ខេត្តកំពង់ស្ពឺ,២-ឈ្មោះឈុំ ដារ៉ាត់ ភេទប្រុស អាយុ២១ឆ្នាំ មុខរបរនិស្សិតមានទីលំនៅភូមិពោធិ ឃុំពោរម្រាល ស្រុកបរសេដ្ឋ ខេត្តកំពង់ស្ពឺ ) ។
ករណីទី២: ជនសង្ស័យមានគ្នា២នាក់(១-ឈ្មោះ សុង ដានីត ភេទប្រុស អាយុ១៩ឆ្នាំ មុខរបរមិនពិតប្រាកដមានទីលំនៅភូមិព្រៃងោង ឃុំភារីមានជ័យ ស្រុកបរសេដ្ឋ ខេត្តកំពង់ស្ពឺ,២-ឈ្មោះ វន សំរ៉ុង ភេទ ប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិព្រៃងោង ឃុំភារីមានជ័យ ស្រុកបរសេដ្ឋ ខេត្តកំពង់ស្ពឺ ) ។
ជនសង្ស័យទាំង៤នាក់ ជិះម៉ូតូ២គ្រឿង បានធ្វើសកម្មភាពឆក់កាបូបជនរងគ្រោះកំពុងជិះម៉ូតូលើដងផ្លូវជាតិ៤ចំនួន២កន្លែងផ្សេងគ្នា(ទីតាំងដូចខាងលើ) ។ ជនរងគ្រោះឈ្មោះ (១-ឈ្មោះ ហាច ចាន់ ភេទស្រី អាយុ៣១ឆ្នាំមានទីលំនៅភូមិបឹងវែង ឃុំវាលរេញ ស្រុកព្រៃនប់ ,២-ឈ្មោះ ហង្ស សារិន ភេទស្រី អាយុ២៤ឆ្នាំមានទីលំនៅភូមិស្វាយ ឃុំតានៃ ស្រុកព្រៃនប់ ) ។ក្រោយពេលកើតហេតុកម្លាំងជំនាញបានឃាត់ខ្លួនជនសង្ស័យទាំង៤នាក់ខាងលើ ។
វត្ថុតាងចាប់យកបានរួមមាន:
-ម៉ូតូម៉ាងហុងដាឌ្រីម ចំនួន២គ្រឿង (មធ្យោបានជិះធ្វើសកម្មភាព)
-ទូរស័ព្ទដៃចំនួន៣គ្រឿង (របស់ជនរងគ្រោះ)
-លុយ៩០,០០០រៀល (របស់ជនរងគ្រោះ )ករណីនេះកម្លាំងជំនាញកំពុងបន្តតាមនីតិវិធី ៕
