រថយន្តដឹកកម្មករបើកបុកគោ១ក្បាល បណ្តាលឲ្យក្រឡាប់រថយន្ត របួសមនុស្ស១៥នាក់រងរបួស និងងាបគោ១ក្បាល
កំពង់ស្ពឺ ៖ រថយន្តដឹកកម្មករបើកបានបុកគោ ១ក្បាល បណ្តាលឲ្យរថយន្តធ្លាក់ផ្លូវផ្អៀងនៅខាងជើងផ្លូវ និងឲ្យងាប់គោញី ១ក្បាល រងរបួសស្រាលចំនួន១៥នាក់ស្រី នៅវេលាម៉ោង៦ និង២០នាទីព្រឹក ថ្ងៃទី២០ ខែកុម្ភៈ ឆ្នាំ២០២១ នៅលើផ្លូវលំលេខ១០៩ ត្រង់ចំណុចភូមិក្រាំងម្កាក់ ឃុំតាំងក្រូច ស្រុកសំរោងទង ខេត្តកំពង់ស្ពឺ ។
តាមរបាយការណ៍ពីកន្លែងកើតហេតុ បានឲ្យដឹងថា គ្រោះថ្នាក់នេះបង្កឡើងដោយ រថយន្តមួយគ្រឿង ម៉ាកហ៊ីយ៉ាន់ដាយ ដឹកកម្មកររោងចក្រចំនួន៧០នាក់ ស្រី៦៥នាក់ប្រុស៥នាក់ រថយន្តពណ៌ស ពាក់ផ្លាកលេខកំពង់ស្ពឺ 3A-1399 អ្នកបើកបរឈ្មោះ ប៊ី សារិន ភេទប្រុស អាយុ ៣៥ឆ្នាំ រស់នៅភូមិទឹកស្អុយ ឃុំទំព័រមាស ស្រុកសំរោងទង ខេត្តកំពង់ស្ពឺ បើកបរពីទិសខាងលិចទៅកើត មកដល់ចំណុចខាងលើ បានបុកគោ ១ក្បាល សម្បុរស បណ្តាលឲ្យរថយន្តធ្លាក់ផ្លូវផ្អៀងនៅខាងជើងផ្លូវ បណ្តាលឲ្យងាប់គោញី ១ក្បាល និងរងរបួសស្រាលចំនួន១៥នាក់ស្រី ។
ចំណែកអ្នកបើកបររថយន្ដ ក្រោយពេលកើតហេតុបានគេចខ្លួន ដោយឡែកវត្ថុតាងរថយន្ត ១គ្រឿងសមត្ថកិច្ចបានស្ទូចយកមករក្សាទុកនៅប៉ុស្តិ៍ នគរបាលរដ្ឋបាលតាំងក្រូច៕
