ចាប់អ្នកលេងល្បែង មាន់ជល់តាមអនឡាញ
ខេត្តពោធិ៍សាត់៖ នគរបាលខេត្តពោធិ៍សាត់ បានធ្វើការឃាត់ខ្លួន និងអប់រំអ្នកលេងល្បែងស៊ីសងខុសច្បាប់(មាន់ជល់)តាមប្រពន្ធ័អនឡាញ ចំនួន០៧នាក់ ឲ្យបញ្ឈប់សកម្មភាពភ្នាល់ស៊ីសងលុយគ្នា បន្ទាប់ពីកម្លាំងអន្តរាគមន៍ពិសេសរបស់ស្នងការដ្ឋាននគរបាលខេត្ត ចុះឆ្មក់ក្នុងភួមិសាស្ត្រ ឃុំស្នាមព្រះ ចំណុចផ្ទះរបស់ឈ្មោះអ៊ុក សុធាភេទប្រុស អាយ៣៧ឆ្នាំ ប្រពន្ធឈ្មោះសុខ បូណាវីត អាយុ៤១ឆ្នាំ ស្ថិតក្នុងភួមិខ្នារ ឃុំស្នាមព្រះស្រុកបាកានខេត្តពោធិ៍សាត់ នៅថ្ងៃទី១៥ ខែមីនា ឆ្នាំ២០២១។
លោកវរសេនីយ៍ឯក កាំង កុសល ស្នងការរងនគរបាលខេត្តពោធិ៍សាត់ ដែលបានដឹកនាំកម្លាំងកងអន្តរាគមន៍ពិសេសចុះឆ្មក់បង្រាបល្បែងស៊ីសងខុសច្បាប់់ខាងលើនេះ បានឲ្យដឹងថា មុខសញ្ញាទាំង០៧នាក់ ដែលកម្លាំងសមត្ថកិច្ចនគរបាលខេត្ត សហការជាមួយកម្លាំងនគរបាលស្រុកបាកាន បានឃាត់ខ្លួនបញ្ជួនមកកាន់ស្នងការរដ្ឋាននគរបាលខេត្ត ដើម្បីធ្វើកំណត់ហេតុអប់រំជាលើកទី១នោះ÷
១.ឈ្មោះសុខ បូណាវីត ភេទស្រី អាយុ៤១ឆ្នាំ រស់នៅភូមិខ្មារឃុំស្នាមព្រះ ស្រុកបាកាន(ម្ចាស់ទីតាំង)
២.ឈ្មោះស្វាយ ឌឿន អាយុ៥៨ឆ្នាំ ភេទប្រុស រស់នៅភូមិបាក់ព្រីងឃុំស្នាមព្រះស្រុកបាកាន។
៣.ឈ្មោះក្រែង សុខា អាយុ៥៨ឆ្នាំ ភេទប្រុសរស់នៅភូមិសាមគ្គី ឃុំស្នាមព្រះស្រុកបាកាន។
៤.ឈ្មោះយាន ជុំ អាយុ៦៣ភេទប្រុស រស់នៅភូមិបាក់ព្រីងឃុំស្នាមព្រះស្រុកបាកាន។
៥.ឈ្មោះតេវ ចាន់ថន អាយុ៣៧ឆ្នាំភេទប្រុស រស់នៅភូមិក្រោលក្របីឃុំត្រពាំងជងស្រុកបាកាន។
៦.ឈ្មោះឈឹម ចាន់សុវណ្ណារ៉ា អាយុ៣៩ ភេទប្រុសរស់នៅភូមិក្រោលក្របីឃុំត្រពាំងជងស្រុកបាកាន។
៧.ឈ្មោះសុខ វឿន អាយុ៥៨ភេទប្រុសរស់នៅភូមិស្តុកស្វាយឃុំស្នាមព្រះស្រុកបាកាន។
លោកស្នងការរងបានឲ្យដឹងទៀតថានៅពេលចុះបង្រាបកម្លាំងសមត្ថកិច្ចយើងបានប្រមូលដកហូតម៉ូតូចំនួន០៧គ្រឿងព្រមទាំងសម្ភារ:វត្ថុតាងមួយចំនួនទៀត។
បន្ទាប់ពីបានធ្វើកំណត់ហេតុនិងកិច្ចសន្យាជំហ៊ានដំបូងដោយឲ្យពួកគាត់បញ្ឈប់ការលេងល្បែងស៊ីសងខុសច្បាប់ទាំងនោះរួចមកសមត្ថកិច្ចបានប្រគល់ម៉ូតូនិងឲ្យពួកគាត់ត្រឡប់ទៅមូលដ្ឋានរៀងៗខ្លួនវិញ។
គួររំលឹកថា: ចាប់ពីថ្ងៃទី១៥ខែកុម្ភ: ដល់ថ្ងៃទី១៤ខែមីនាឆ្នាំ២០២១ កម្លាំងកងអន្តរាគមន៍ពិសេសរបស់ស្នងការដ្ឋាននគរបាលខេត្តពោធិ៍សាត់ បានបើកយុទ្ធនាការបង្រាបល្បែងស៊ីសងខុសច្បាប់តាមបណ្តាស្រុក ក្រុងទូទាំងខេត្តពោធិ៍សាត់សរុបចំនួន០៧លើក និងបានធ្វើការអប់រំដល់ម្ចាស់ទីតាំង និងអ្នកលេងចំនួន២៨នាក់ ក្នុងនោះស្រី១៧នាក់ផងដែរ៕