ដាក់ពង្រាយធុងសំរាមសាធារណៈ នៅផ្លូវជាតិលេខ៤ នៅចំណុចមុខរោងចក្រ Top Submit, មុខវត្តកំបូល និងមុខសួនឧស្សាហកម្មវីលសុន
ភ្នំពេញ៖កាលពីរសៀលថ្ងៃអង្គារ ទី១៦ ខែមីនា ឆ្នាំ២០២១នេះ លោក ឃឹម ស៊ុនសូដា អភិបាលខណ្ឌកំបូល បានណែនាំដល់លោកទុយ សុជាតិ មន្ត្រីទទួលបន្ទុកការងារបរិស្ថាន នៃការិយាល័យសាធារណៈការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈខណ្ឌកំបូល ដឹកនាំមន្ត្រីសណ្តាប់ធ្នាប់ ចុះរៀបចំធុងដាក់សំរាមសាធារណៈ តាមបណ្តោយផ្លូវជាតិលេខ៤ នៅចំណុចមុខរោងចក្រ Top Submit, មុខវត្តកំបូល និងមុខសួនឧស្សាហកម្មវីលសុន សង្កាត់កំបូល ខណ្ឌកំបូលសរុបចំនួន ១០ធុង ។
មន្ត្រីរដ្ឋបាលខណ្ឌបានឱ្យឹងថា៖ការដាក់ពង្រាយ”ធុងសំរាមសាធារណៈ” ខាងលើនេះ អនុវត្តន៍តាមអនុសាសន៍ដឹកនាំជាប្រចាំរបស់លោក ឃួង ស្រេង អភិបាលរាជធានីភ្នំពេញ ។
មន្ត្រីរដ្ឋបាលខណ្ឌបន្តថា៖ធុងសំរាមខាងលេីនេះ គឺសម្រាប់បងប្អួនកម្មករ កម្មករិនី និងសាធារណៈជនដែលធ្វេីឆ្លងកាត់ទុកដាក់សំរាមឲ្យមានរបៀបរយ និងសណ្តាប់ធ្នាប់ ល្អ ដេីម្បីលេីកកម្ពស់សោភ័ណ ភាព អនាម័យ បរិស្ថាន ឲ្យកាន់តែប្រសេីរឡេីង ស្របតាមទិសស្លោក ស្អាតជាទម្លាប់ ដែលរដ្ឋបាលខណ្ឌកំបូល តែងតែងដឹកនាំអនុវត្តន៍ជាប្រចាំកន្លងមក ។
សូមបញ្ជាក់ជូនថា ៖ “ធុងសំរាមសាធារណៈនេះ មិនសំរាប់ប្រជាពលរដ្ឋតាមលំនៅដ្ឋានយកសំរាមមកចោលនៅទីនេះនោះទេ”៕
