គ្រួសារជនរងគ្រោះដែល ទទួលមរណៈភាពដោយជំងឺកូវី-19 ចំនួន 8គ្រួសារទៀត នៅសង្កាត់ច្រាំងចំរេះទី២ ទទួលបានអំណោយដ៏ថ្លៃថ្លា សម្តេចតេជោ ហ៊ុន សែន

ភ្នំពេញ៖នៅថ្ងៃទី ១៦ ខែ វិច្ឆិកា ឆ្នាំ២០២១ លោក ឯក ឃុនដឿន អភិបាលខណ្ឌឫស្សីកែវ និងលោកស្រី សួស សូលីដា អភិបាលរងខណ្ឌ បានដឹកនាំ មន្ត្រីការិយាល័យ នៃរដ្ឋបាលខណ្ឌឫស្សីកែវ លោកស្រីចៅសង្កាត់ លោក-លោកស្រីចៅសង្កាត់រងទី១-ទី២ ក្រុមប្រឹក្សាសង្កាត់ ច្រាំងចំរេះទី2 និងយុវជនបាន ចុះសួរសុខទុក្ខ ប្រជាពលរដ្ឋ ជូនអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានដូចជា អង្ករ ២៥គីឡូក្រាម មី ១កេស ត្រីខ ១យួរ ទឹកសុីអុីវ ១យួរ និង ថវិកា ២,០០០,០០០រៀល ក្នុងមួយគ្រួសារសព ដេីម្បីចូលរួមរំលែកទុក្ខដ៏ក្រៀមក្រំជាមួយបងប្អូនប្រជាពលរដ្ឋ។

នៅក្នុងឱកាសនោះដែរលោកអភិបាលបានអញ្ជើញចុះសួរសុខទុក្ខប្រជាពលរដ្ឋក្នុងភូមិ ព្រមទាំងផ្តល់ថវិកាមួយចំនួន ដល់លោកយាយជរា ម្នាក់ផងដែល ។

ក្នុងឱកាសនោះដែរលោកអភិបាលខណ្ឌបានសូមអំពាវនាវដល់បងប្អូនប្រជាពលរដ្ឋចូលរួមបន្តអនុវត្ត វិធានរបស់សុខាភិបាល និង អនុវត្តអោយខានតែបាននូវ ៣កុំ និង ៣ការពារ ដេីម្បីជៀសផុតពីជម្ងឺកូវីដ-១៩ ៕