ឃាត់ខ្លួនជនសង្ស័យចំនួន០២នាក់ ដែលជិះម៉ូតូធ្វើសកម្មភាពឆក់ទូរស័ព្ទ ពីជនរងគ្រោះតាមផ្លូវសាធារណៈ
ភ្នំពេញ៖ ដោយគិតគូរពីសុខទុក្ខ សុវត្ថិភាពជូនប្រជាពលរដ្ឋក្នុងមូលដ្ឋានបានសុខលោកវរសេនីយ៍ឯក ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យ បានបន្តដឹកនាំកងកម្លាំងទាំងយប់ទាំងថ្ងៃ ចេញល្បាតពួនស្ទាក់បង្ការ បង្ក្រាប បទល្មើស ឆក់ ប្លន់ ក្មេងទំនើង នានា ដេីម្បីកុំអោយកេីតមានឡើងក្នុងមូលដ្ឋាន។
នៅរសៀលថ្ងៃទី ០៥ ខែ មេសា ឆ្នាំ ២០២៣ កម្លាំងនគរបាលប៉ុស្តិ៍រដ្ឋបាលចោមចៅទី០១ បានឃាត់ខ្លួនជនសង្ស័យចំនួន០២នាក់ដែលជិះម៉ូតូធ្វើសកម្មភាពឆក់ទូរស័ព្ទពីជនរងគ្រោះតាមផ្លូវសាធារណៈ ក្នុងភូមិត្រពាំងរំចេកសង្កាត់ចោមចៅទី០១ខណ្ឌពោធិ៍សែនជ័យ រាជធានីភ្នំពេញ។
ក្នុងនោះដែរ លោកឧត្ដមសេនីយ៍ទោ ហេង រតនា ស្នងការរងនគរបាលរាជធានីភ្នំពេញ ទទួលបន្ទុកការងារចុះជួយខណ្ឌពោធិ៍សែនជ័យ បានឧបត្ថម្ភថវិកាផ្ទាល់ខ្លួនជួយដល់កម្លាំងនគរបាលប៉ុស្តិ៍រដ្ឋបាលចោមចៅទី០១ចំនួន ២០០,០០០៛(ម្ភៃម៉ឺនរៀល) ជាការលើកទឹកចិត្តដល់កងកម្លាំងដែលខិតខំប្រឹងប្រែង ពុះពារគ្រប់ឧបសគ្គបង្ក្រាបបទល្មើស ដេីម្បីប្រជាពលរដ្ឋក្នុងមូលដ្ឋានរស់នៅបានសុខក៏ដូចជួយសង្គមជាតិផងដែរ៕
