ព្រះមហាក្សត្រ ចេញព្រះរាជក្រឹត្យតែងតាំង ឧត្តមសេនីយ៍ឯក សុខ វាសនា ជាអគ្គនាយកអន្ដោប្រវេសន៍ និងឧត្តមសេនីយ៍ឯក តុប នេត ជាអគ្គនាយកអត្តសញ្ញាណកម្ម

ភ្នំពេញ៖ ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យត្រាស់បង្គាប់តែងតាំង មុខតំណែងអគ្គនាយកអន្ដោប្រវេសន៍ និងអគ្គនាយកអត្តសញ្ញាណកម្ម នៃក្រសួងមហាផ្ទៃ ចំនួន២រូប។

ព្រះរាជក្រឹត្យនៅថ្ងៃទី២៥ ខែសីហា ឆ្នាំ២០២៣នេះ បានឲ្យដឹងថា ១, ឧត្តមសេនីយ៍ឯក សុខ វាសនា ជាអគ្គនាយក នៃអគ្គនាយកដ្ឋានអន្ដោប្រវេសន៍
២, ឧត្តមសេនីយ៍ឯក តុប នេត ជាអគ្គនាយក នៃអគ្គនាយកដ្ឋានអត្តសញ្ញាណកម្ម៕