ប្រជាពលរដ្ឋខណ្ឌច្បារអំពៅ ស្នើឲ្យអាជ្ញាធររាជធានីនិងថ្នាក់ខណ្ឌជួយរៀបចំបញ្ហាទឹក និងពន្លឿនប្លងដី

   ការស្នើបែបនេះរបស់ប្រជាពលរដ្ឋបានធ្វើឡើងនៅក្នុងវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សារាជធានីភ្នំពេញ អាណត្តិទី ២ នៅ ខណ្ឌច្បារអំពៅ កាលពីព្រឹកថ្ងៃព្រហស្បតិ៍ ៧រោច ខែកត្តឹក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ២៩ វិច្ឆកា ឆ្នាំ២០១៨នេះ ក្រោមអធិបតីភាព លោក ម៉ប់ សារិន ប្រធានក្រុមប្រឹក្សារាជធានីភ្នំពេញ លោក មាន ចាន់យ៉ាដា អភិបាលរងរាជធានី តំណាងអោយលោក ឃួង ស្រេង អភិបាលរាជធានីភ្នំពេញ និងលោក អ៊ុច គឹមអន ជាក្រុមការងារថ្នាក់ជាតិចុះជួយក្នុងខណ្ឌច្បារអំពៅ ព្រមទាំងមន្ត្រីថ្នាក់ខណ្ឌ សង្កាត់ ប្រជាពលរដ្ឋជាច្រើនាក់ទៀត ។

   លោក ម៉ប់ សារិន បានមានប្រសាសន៍ថា ក្នុងវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានី គឺដើម្បីផ្តល់ជូនដល់ប្រជាពលរដ្ឋ ក្នុងការចូលរួមក្នុងដំណើរការអភិបាលកិច្ចល្អ និងជាឧបករណ៍មួយសម្រាប់លើកកំពស់ គណនេយ្យភាព តម្លាភាព ក្នុងដំណើរការពិនិត្យមើល លើការផ្តល់សេវាសាធារណៈរបស់រដ្ឋបាលរាជធានីភ្នំពេញ ក្នុងគោលបំណងដើម្បីធានាថា ១-រាល់បញ្ហាអាទិភាពរបស់ប្រជាពលរដ្ឋក្នុងមូលដ្ឋាន ត្រូវបានពិនិត្យ ដោះស្រាយ និងឆ្លើយតប  ២-គ្រប់អ្នកពាក់ព័ន្ធទាំងអស់ក្នុងមូលដ្ឋាន ត្រូវបានរួមបញ្ចូលបរិយាប័ននៅក្នុងដំណើរការនៃការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ។

    អ្នកស្រី សុខ សារ៉េត តំណាងឲ្យសហគមន៍វាលស្បូវ និងប្រជាពលរដ្ឋរស់នៅភូមិព្រែកធំមួយ សង្កាត់ ក្បាលកោះ ខណ្ឌច្បារអំពៅ ក៏ដូចប្រជាពលរដ្ឋ រស់នៅសង្កាត់ផ្សេងៗទៀត បានលើកឡើងពីរបស់ពួកគាត់ថា បញ្ហាទឹកស្អាត គឹខ្វះខាតខ្លាំងណាស់  ប្រជាពលរដ្ឋបន្តថា បច្ចុប្បន្នបញ្ហាមួយចំនួនខាងលើនេះ កំពុងប្រឈមដែលតម្រូវឲ្យថ្នាក់លើ ជួយដោះស្រាយ ដើម្បី បានប្រើប្រាស់ ទៅតាមតម្រូវការរបស់ពួកគាត់ផង ។

   លោក ចេង មុន្នីរ៉ា អភិបាលខណ្ឌច្បារអំពៅបានឆ្លើយតបទៅនឹងការលើកឡើងនេះថា ការស្នើសុំ

របស់ប្រជាជននៅសហគមន៍វេលស្បូវ ពាក់ព័ន្ធនឹងទឹកស្អាត និងភ្លើងអគ្កិសនី ការងារនេះ នៅពេលរៀបចំបែងចែកឡូតិ៍ បងប្អូននិងសាង់សង់ទីជំរកនៅទីនេះហើយ  រដ្ឋបាលខណ្ឌ ផ្នែកទៅតាមសូមពររបស់ប្រជាពលរដ្ឋ យើងបានធ្វើលិខិតទៅខាងអគ្គិសនី  និងខាងរដ្ឋាករទឹក ហើយកន្លងមកនេះ រដ្ឋាករទឹក និងអគ្គិសនីក៏បានចុះមកពិនិត្យទីតាំងនេះរួចមកហើយ  ។

    លោកបានបន្តការងារនេះ បានបញ្ចូលក្នុងឆ្នាំ២០១៩ ប៉ុន្តែពាក់ព័ន្ធនឹងបញ្ហាទឹកគឺរដ្ឋខណ្ឌតែងតែដឹកជូនប្រជាពលរដ្ឋជានិច្ច ឲ្យតែបងប្អូន ខ្វះខាត់ទឹក។ យើងមានឡានទឹកមួយគ្រឿងដឹកទឹកជូនប្រជាពលរដ្ឋរហូត មិនដែលខកខានទេ ឲ្យតែប្រជាពលរដ្ឋប្រាប់  ។

  លោក មានចាន់ យ៉ាដា អភិបាលរងរាជធានីភ្នំពេញបានបញ្ជាក់ថា រាល់ការងារពាក់ព័ន្ធ ទៅ និងតម្រូវការ សំណើរ និងសំណូមពររបស់ប្រជាពលរដ្ឋនេះ អភិបាលខណ្ឌ ត្រូវរៀបចំការងារ នេះជារួម ធ្វើការដោះស្រាយ ជូនបងប្អូន។ ត្រូវកំណត់រើសយកមន្ត្រីជាប់កិច្ចសន្យា៣នាក់ក្នុងមួយសង្កាត់ ដើម្បីជាអ្នកទទួលនូវសេវារបស់បងប្អូនប្រជាពលរដ្ឋ ហើយតាំងពិការប្រើប្រាស់យុន្និការនេះមក យើងបានមើលឃើញថា ការលើកឡើង និងការរិះគន់បានកាត់បន្ថយយ៉ាងច្រើន ។

   លោកបានបន្ថែមទៀតថា វេទិការផ្សព្វផ្សាយនិងពិគ្រោះយល់បល់មានសារៈសំខាន់ណាស់  ជាការផ្តល់ឳកាស និងបង្កលក្ខណៈឲ្យមានការចូលរួម យោបល់មតិ ចំងល់បញ្ហាប្រឈម ក្នុងការរិះគន់ក្នុងនៃស្ថាបនាពីគ្រប់ភាគី ហើយជាពិសេសបងប្អូនប្រជាពលរដ្ឋក្នុងមូលដ្ឋានផ្ទាល់ ដើម្បីធ្វើការផ្លាស់ប្តូរ នៅទស្សនៈស្វែងរកឫសគល់បញ្ហាពិតប្រាកដ ដើម្បីដាក់វិធានការសមស្រប ដោះស្រាយសំណួរ សំណើរ និងសំណូមពររបស់ប្រជាពលរដ្ឋគ្រប់រូប ។

   សូមបញ្ជាក់ថា នៅក្នុងឆ្នាំ២០១៨នេះ ក្រុមប្រឹក្សារាជធានីបានទទួលសំណើរ និងសំណូមពរផ្ទាល់មាត់ ចំនួន១៧នាក់ ស្មើនឹង២៣បញ្ហា ដែលបានឆ្លើយបំភ្លឺក្នុងវេទិការួចមកហើយ និងសំណួរ សំណើរពរជាលាយលក្ខណ៍អក្សរចំនួន៩១ច្បាប់ ស្មើនិង៩៤បញ្ហា ចែកចេញជា១១មន្ទីរ វិស័យ ហើយក្នុងចំណោមបញ្ហា ដែលបានលើកឡើងដោយប្រជាពលរដ្ឋ សរុបចំនួន៩៤បញ្ហា ក្នុងនោះបានដោះស្រាយរួចចំនួន ៥៤បញ្ហា បានសិក្សាដាក់បញ្ចូលក្នុងកម្មវិធីវិនិយោគ៣ឆ្នាំរំកិលរួច ចំនួន៣៦បញ្ហា និងមិនទាន់បានដោះស្រាយចំនួន០៤បញ្ហា ៕