ចាប់ចិន៩នាក់ ជួញថ្នាំញៀន ជាច្រើនមុខ ជាង១០០កញ្ចប់នៅកំពង់សោម
ព្រះសីហនុ៖ នគរបាលខេត្តព្រះសីហនុ បង្ក្រាបបទល្មើសជួញដូរចែកចាយ និងប្រើប្រាស់គ្រឿងញៀន ចំនួន៦ករណី ឃាត់ខ្លួនជនជាតិចិនចំនួន៩នាក់ ចាប់បានថ្នាំញៀន ជាច្រើនមុខ ជាង១០០កញ្ចប់។
លោកឧត្តមសេនីយ៍ត្រី ស៊ុន សុផាត ស្នងការរង ទទួលផែនប្រឆាំងបទល្មើស បានឲ្យដឹងថា៖ កាលពីថ្ងៃទី២៨ ខែវិច្ឆិកា ឆ្នាំ២០១៨ ដោយមានការសម្របសម្រួលផ្នែកច្បាប់ ពីលោកហួត វិចិត្រ ព្រះរាជអាជ្ញារងអមសាលាដំបូងខេត្តព្រះសីហនុ សមត្ថកិច្ចនគរបាលប្រឆាំងគ្រឿងញៀន បានបើកយុទ្ធនាការ បង្ក្រាបបទល្មើសគ្រឿងញៀនបានចំនួន៦ករណី ឃាត់ខ្លួនជនសង្ស័យ ជនជាតិចិនចំនួន៩នាក់ ចាប់យកថ្នាំញៀនជាច្រើនមុខ ចំនួន១២២កញ្ចប់ និងថ្នាំញៀនផ្សេងៗជាច្រើនទៀត។
ករណីទី១ ៖ ថ្ងៃទី ២៨ ខែវិច្ឆិកា ឆ្នាំ២០១៨ ម៉ោង០០៖៥០នាទី ស្ថិតនៅក្រុមទី ២ ភូមិ២ សង្កាត់លេខ ១ ក្រុងព្រះសីហនុ បង្ក្រាបបទល្មើសគ្រឿងញៀនមួយករណី ឃាត់ខ្លូនជនសង្ស័យបានម្នាក់ឈ្មោះHUA.YUNJIAAN អាយុ៣៧ឆ្នាំ ជាជនជាតិចិន ភេទប្រុស មុខរបរធ្វើការអនឡាញ វត្ថុតាងដក់ហូតបានរួមមាន ម្សៅក្រោម ពណ៌សថ្លា សង្ស័យជាសារធាតុញៀនចំនួន ៤កញ្ចប់ទូរស័ព្ទ១គ្រឿង។
ករណីទី២ ៖ ថ្ងៃទី២៨ ខែវិច្ឆិកា ឆ្នាំ២០១៨ ម៉ោង១២ ស្ថិតនៅក្រុមទី១១ភូមិ១ សង្កាត់លេខ២ បង្ក្រាបបទល្មើសគ្រឿងញៀន ១ករណីទៀត ឃាត់ខ្លូនជនសង្ស័យម្នាក់ ឈ្មោះJin yoagnian ភេទប្រុស អាយុ២៧ឆ្នាំ ជនជាតិចិន មុខរបរមិនពិតប្រាកដ ចាប់យកបានម្សៅក្រោមពណ៌សថ្លា សង្ស័យជាសារធាតុញៀន១៤កញ្ចប់ ( ធំ១ តូច១៣កញ្ចប់) ទូរស័ព្ទ២គ្រឿង។
ករណីទី៣ ៖ ថ្ងៃទី២៨ ខែវិច្ឆិកាឆ្នាំ២០១៨ម៉ោង ១៣ ស្ថិតនៅក្រុមទី៤ភូមិ២ សង្កាត់លេខ២ នគរបាលប្រឆាំងគ្រឿងញៀន បង្ក្រាបបទល្មើសគ្រឿងញៀន ១ករណីទៀត ឃាត់ខ្លូនបានជនសង្ស័យម្នាក់ ឈ្មោះDe Xu ភេទប្រុស អាយុ២៥ឆ្នាំជនជាតិចិន មុខរបរមិនពិតប្រាកដ ចាប់យកបានម្សៅក្រោម ពណ៌សថ្លាសង្ស័យ ជាសារធាតុញៀន ចំនួន៩កញ្ចប់ធំ និងWY ចំនួន៣គ្រាប់ ទូស័ព្ទ១គ្រឿង។
ករណីទី៤៖ ថ្ងៃទី២៨ ខែវិច្ឆិកា ឆ្នាំ២០១៨ ម៉ោង ២១៖៤០នាទី ស្ថិតនៅក្រុមទី៨ ភូមិ១ សង្កាត់លេខ៣ ក្រុង បង្ក្រាបបទល្មើស គ្រឿងញៀនមួយករណី ឃាត់ខ្លូនបានជនសង្ស័យម្នាក់ឈ្មោះFAN Chao ភេទប្រុស អាយុ២៧ឆ្នាំ ជនជាតិចិន ចាប់យកបាន ម្សៅក្រាមពណ៌សថ្លាសង្ស័យជាសារធាតុញៀនចំនួន ៩កញ្ចប់ធំ ទូស័ព្ទ១គ្រឿង។
ករណីទី៥ ៖ ថ្ងៃទី២៨ ខែ វិច្ឆិកា ឆ្នាំ២០១៨ ម៉ោង ២១:៤០នាទី ស្ថិតនៅភូមិ៤ សង្កាត់លេខ៤ បង្ក្រាបបទល្មើសគ្រឿងញៀនមួយករណី ឃាត់ខ្លូនជនសង្ស័យម្នាក់ឈ្មោះZhou yang ភេទប្រុស អាយុ២៥ ឆ្នាំ ជនជាតិចិន មុខរបរមិនពិតប្រាកដ ចាប់យកបានម្សៅក្រាមពណ៌ស សង្ស័យជាសារធាតុញៀនចំនួន១៧កញ្ចប់(K) ៨កញ្ចប់ (WY២៦គ្រាប់ (MDMA)៥គ្រាប់ កញ្ឆាមូជាបារី ហើយមានចំនួន៣ដើម ទូស័ព្ទ១គ្រឿង។
ករណី៦ ៖ ថ្ងៃទី២៩ ខែវិច្ឆិកាឆ្នាំ២០១៨ ម៉ោង ៣រំលងអធ្រាត្រ ស្ថិតនៅក្រុមទី៩ ភូមិ១ សង្កាត់លេខ៣ បង្ក្រាបបទល្មើសគ្រឿងញៀន ២ករណីផ្សេងគ្នា តែជាក្រុមតែមួយ ដែលមានទីតាំងដូចខាងលើ ឃាត់ខ្លូនបានជនសង្ស័យចំនួន៥នាក់៖ ១.ឈ្មោះ Hua Zai ២.ឈ្មោះ Chee Kiang ហើយក៏បន្ត ចូលឆែកឆេផ្ទះជួលនៅ សង្កាត់លេខ២ ឃាត់ខ្លូនបានជនសង្ស័យ បន្ថែម៣នាក់ទៀត ១.ឈ្មោះ Melvin Foo
២.ឈ្មោះDa ren ៣.william Ricardo (អ្នកទាំង៥ ជាជនជាតិចិនម៉ាឡេស៊ី) ចាប់យកបាន ម្សៅក្រាមពណ៌សថ្លា សង្ស័យជាសារធាតុញៀន ចំនួន៧៨កញ្ចប់ ថ្នាំសប្បាយចំនួន៦គ្រាប់ Wy៥គ្រាប់ កញ្ឆា១កញ្ចប់ធំ កញ្ចប់កាហ្វេ សង្ស័យជាសាធាញៀនចំនួន៨កញ្ចប់ ថ្នាំសប្បាយប្រភេទទឹក ចំនួន៣ដប ជញ្ជីងថ្លឹង១ និង ទូរស័ព្ទ៣គ្រឿង៕