បិទបញ្ចប់កិច្ចប្រជុំកំពូលអាស៊ានលើកទី៤៧និងកិច្ចប្រជុំកំពូលពាក់ព័ន្ធនៅទីក្រុងគួឡាឡាំពួ ,ហ្វីលីពីននឹងធ្វើជាម្ចាស់ផ្ទះនៅឆ្នាំក្រោយ

គួឡាឡាំពួ៖កិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធ នៅទីក្រុងគួឡាឡាំពួ ត្រូវបានបិទបញ្ចប់ហើយ នៅរសៀលថ្ងៃទី២៨ ខែតុលា ឆ្នាំ២០២៥ បន្ទាប់ពីមានកិច្ចប្រជុំកំពូលដ៏មមាញឹករយៈពេល៣ថ្ងៃ ចាប់ពីថ្ងៃទី២៦ ដល់ ថ្ងៃទី២៨ ខែតុលា ឆ្នាំ២០២៥។

នៅរសៀលថ្ងៃទី២៨ ខែតុលានេះ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ព្រមទាំងថ្នាក់ដឹកនាំប្រទេសអាស៊ានទាំង១១ បានចូលរួមក្នុងពិធីបិទកិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធ និងពិធីប្រគល់តំណែងប្រធានអាស៊ាន ទៅសាធារណរដ្ឋហ្វីលីពីន សម្រាប់ឆ្នាំ២០២៦ផងដែរ៕