អាមេរិកដកកងទ័ពមួយចំនួនចេញពីមូលដ្ឋាននៅមជ្ឈិមបូព៌ាដើម្បីជាការប្រុងប្រយ័ត្នក្រោយអ៊ីរ៉ង់ព្រមាន

វ៉ាស៊ីនតោន៖មន្ត្រីសហរដ្ឋអាមេរិកម្នាក់បានប្រាប់ទីភ្នាក់ងារសារព័ត៌មាន Reuters នៅថ្ងៃពុធនេះថា អាមេរិកកំពុងដកបុគ្គលិកមួយចំនួនចេញពីមូលដ្ឋានសំខាន់ៗនៅក្នុងតំបន់មជ្ឈិមបូព៌ា ដើម្បីជាវិធានការប្រុងប្រយ័ត្ន ខណៈដែលភាពតានតឹងក្នុងតំបន់កំពុងកើនឡើង។

ការសម្រេចចិត្តនេះ ធ្វើឡើងបន្ទាប់ពីមន្ត្រីជាន់ខ្ពស់អ៊ីរ៉ង់បានព្រមានប្រទេសជិតខាងថា ទីក្រុងតេហេរ៉ង់នឹងវាយប្រហារលើមូលដ្ឋានអាមេរិកដែលស្ថិតនៅក្នុងប្រទេសទាំងនោះ ប្រសិនបើទីក្រុងវ៉ាស៊ីនតោនហ៊ានបើកការវាយប្រហារលើអ៊ីរ៉ង់៕