ចំនួនអ្នកស្លាប់ ពីទំនប់ប្រេស៊ីល បានកើនឡើងដល់ 84 នាក់ ដោយមាន 276 នាក់បាត់ខ្លួន

ចំនួនអ្នកស្លាប់ ដោយសារការបាក់រលំទំនប់វារីអគ្គិសនី នៅក្នុងទីក្រុង Brumadinho ប្រទេសប្រេស៊ីល បានកើនឡើងដល់ 84 នាក់ និង 276 នាក់ នៅមិនទាន់រកឃើញនៅឡើយទេ នេះបើយោងតាមអ្នកជួយសង្គ្រោះ ដែលកំពុងធ្វើការនៅកន្លែងកើតហេតុ កាលពីថ្ងៃអង្គារ។

ពួកគេបាននិយាយថា មានមនុស្សជាង 40នាក់ ត្រូវបានកំណត់អត្តសញ្ញាណ មកទល់ពេលនេះ ដោយសារតែការងារ នៅតែបន្តនៅក្នុងតំបន់នេះ។

របាំងរុករករ៉ែ បានដួលរលំនៅក្នុងរដ្ឋមីណាសជឺរេស នៅថ្ងៃទី 25 ខែមករា ដោយជំរុញឱ្យមានភក់ខ្សាច់រាប់លានតោន នៅទូទាំងកន្លែង និងចុះទៅរកទីក្រុងក្បែរនោះ៕