សមាជិករដ្ឋសភា២ រូប អញ្ជើញសំណេះសំណាល ជាមួយសិស្សានុសិស្សនៅសាលាបឋមសិក្សា ហ៊ុន សែន ព្រៃសុវណ្ណ ភូមិព្រៃស្វា ឃុំជ្រែភ្នំ ខេត្តព្រៃវែង
ព្រៃវែង៖ លោកស្រី ម៉ាណ ណាវី តំណាងរាស្ត្រ
ភ្នំពេញ និងលោក ជៀម ប៉េអា តំណាងរាស្ត្រខេត្តព្រៃវែង បានចូលរួមសំណេះសំណាល សាកសួរសុខទុក្ខសិស្សានុសិស្សចំនួន២៣៥ នាក់នៅសាលាបឋមសិក្សារ ហ៊ុន សែន ព្រៃសុវណ្ណ ភូមិព្រៃស្វា ឃុំជ្រែភ្នំ ស្រុកសុីធរកណ្តាល ខេត្តព្រៃវែង កាលពីថ្ងៃព្រហស្បតិ៏ ២កើត ខែមិគសិរ ឆ្នាំកុរឯកស័កព.ស ២៥៦៣ត្រូវនិងថ្ងៃទី២៨ ខែវិច្ឆិកា ឆ្នាំ២០១៩ ។
នៅក្នុងមតិសំណេះសំណាល លោក ជៀម ប៉េអា បានមានប្រសាសន៍ទៅកាន់សិស្សានុសិស្សទាំងអស់ថា សូមក្មួយៗខិតខំសិក្សារៀនសូត្រឲ្យបានច្រើន និងត្រូវធ្វើជាសិស្សល្អ មិត្តល្អ កូនល្អនៅក្នុងសង្គម ហើយត្រូវជៀសឲ្យឆ្ងាយពីគ្រឿងញៀន។
នៅក្នុងឱកាសនោះ តំណាងរាស្ត្រទាំងពីររូបបានឧបត្ថម្ភដល់សិស្សទាំង ២៣៥ នាក់ ម្នាក់ៗទទួលបាន សៀវភៅ ៤ក្បាលប៊ិច ២ ដេីម ថវិការ ២០០០ រៀល លោកគ្រូអ្នកគ្រូ ៧ នាក់ម្នាក់ទទួលបាន សៀវភៅគ្រូ ១ ក្បាល និង ថវិការ ២០០០០ រៀល នឹងឧបត្ថម្ភផ្នែកអនាម័យ ៥០០,០០០ រៀល សរុបទាំងថវិកានិងសម្ភារៈ គិតជាទឹកប្រាក់មានចំនួន ២៨៣,២០០ រៀល។
ឆ្លៀតក្នុងឱកាសនោះផងដែរ តំណាងរាស្ត្រទាំងពីររូប បានអញ្ជើញសាកសួរសុខទុក្ខកុមារី ហាត ថាវី អាយុ ១០ ឆ្នាំ ជាសិស្សថ្នាក់ទី៤ នៅសាលាបឋមសិក្សាហ៊ុន សែន ព្រៃសុវណ្ណ ដែលកំពុងសម្រាកព្យាបាលនៅមន្ទីរពេទ្យបង្អែកសុីធរកណ្តាល ឃុំជ្រែសណ្ដែក សុក្រសុីធរកណ្តាល ខេត្តព្រៃវែង ដែលរងគ្រោះដោយសាររលាកភ្លេីង និងបានឧបត្ថម្ភថវិកាចំនួន ៣០០,០០០ រៀល សៀវភៅ៥ ក្បាល នឹងបានឧបត្ថម្ភដល់កុមារចំនួន ៨ នាក់ផ្សេងទៀតដែលកំពុងសម្រាកព្យាបាលនៅមន្ទីរពេទ្យបង្អែកសុីធរកណ្តាលដែរ ដោយក្នុងម្នាក់ៗទទួលបានថវិកាចំនួន៥០,០០០ រៀល សរុបទាំងថវិកា និងសម្ភារៈ មានចំនួន៣, ០៣២, ០០០ រៀល៕ ដោយ៖ សំរិត