យុគ យក្សផ្លែតស៊ូជាមួយកាំឡៃ យុគ
ភ្នំពេញ៖ការប្រកួតប្រដាល់លើសង្វៀនប៉ុស្ដិ៍លេខ៥សម្រាប់ថ្ងៃទី១៥កុម្ភៈអ្នកប្រដាល់កម្ពុជាយុគ យក្សផ្លែក្លិបបូរីរាជសីហ៍មានរិទ្ធ
ត្រូវជួបប្រកួតជាមួយអ្នកប្រដាល់ថៃកាំឡៃ យុគ(Kamlay Yuk) ។
អ្នកប្រដាល់ទាំង២រូបនេះប្រកួតគ្នាក្នុងប្រភេទទម្ងន់៥៧គីឡូក្រាម ។អាចនិយាយបានថានេះជាការងារធ្ងន់មួយសម្រាប់យក្សផ្លែ
ហើយ ។កាំ ឡៃ យុគជាអ្នកប្រដាល់ដែលវ៉ៃចេញរហ័ស ធ្ងន់និងពូកែការពារណាស់ ។ចំពោះយក្សផ្លែជាអ្នកប្រដាល់ដែលវ៉ៃចូលចិត្ត ឌឺ ដាក់
គូប្រកួតតែគេជាអ្នកប្រដាល់ចិត្តហ៊ានមួយរូបគ្រាន់តែពេលខ្លះគេចូលឲ្យគូប្រកួតវ៉ៃក៏មានដែរ ។
ការប្រកួតនេះកាំឡៃ យុគក៏មិនស្រួលជាមួយយក្សផ្លែ ឯ យក្សផ្លែក៏កាន់តែមិនស្រួលជាមួយកាំឡៃយុគដែរ ។ការប្រកួតនេះមិន
ដឹងថានរណាបានទទួលជ័យជំនះឡើយ ។
ចំពោះការប្រកួតក្នុងព្រឹត្តិការណ៍TV5 Boxing Knock- out Serie by K-Cement វគ្គជម្រុះជុំទី២វិញនោះណាម ម៉ូរ៉ាក់ក្លិបពន្លឺសាមគ្គីខេត្ត
បាត់ដំបងប្រកួតជាមួយអ្នកប្រដាល់វេន សុភ័ក្ត្រ ។
ទោះបីណាម ម៉ូរ៉ាក់មិនមែនជាអ្នកប្រដាល់ដែលអាចមើលស្រាលបានក៏ពិតមែនតែកៅអីសម្រាប់វគ្គជម្រុះជុំទី៣ទំនងជាធ្លាក់ទៅ
ក្នុងកណ្ដាប់ដៃវេន សុភ័ក្ត្រច្រើនជាង ។
សូមបញ្ជាក់ថាកាលប្រកួតជម្រុះជុំទី១ណាម ម៉ូរ៉ាក់ឈ្នះមាស សារ៉ាក់ក្លិបអាណាចក្រគុនខ្មែរដោយពិន្ទុ ចំពោះវេន សុភ័ក្ត្រឈ្នះ
ភុន សោភ័ណ្ឌក្លិបនាគរាជមានជ័យនៅទឹកទី១ ។អ្នកប្រដាល់ទាំង២រូបនេះនរណាប្រជែងបានកៅអីសម្រាប់វគ្គជម្រុះជុំទី៣ ហើយនរណា
ខ្ទាតចេញពីការប្រកួត ?
ប្រកួតក្នុងព្រឹត្តិការណ៍នេះដែរសោម ស៊ីថៃក្លិបអេភូថងកីឡាជួបជាមួយអ្នកខ្លាំងមកពីខេត្តបាត់ដំបងគឺវ៉ែន ហុងជីវ៉ុងក្លិបកងកេង
កីឡាខេត្តបាត់ដំបង ។
អ្នកប្រដាល់ទាំង២រូបនេះពិតជាខ្លាំងដូចគ្នា ។សម្រាប់ការប្រកួតដែលមាន៣ទឹកនេះទាំងអ្នកឈ្នះនិងអ្នកចាញ់ប្រាកដជាទ្រម
ខ្លួនដូចគ្នាជាមិនខានឡើយ ។សូមបញ្ជាក់ថាកាលប្រកួតជម្រុះជុះទី១ សោម ស៊ីថៃផ្ដួលឡុង សាម៉េតក្លិបពន្លឺវិបុលនៅទឹកទី១ រីឯវ៉ែន ហុង
ជីវ៉ុងឈ្នះសុខ សុវណ្ណក្លិបកងពលធំអន្តរាគមន៍លេខ២ដោយពិន្ទុ ។
ការប្រជែងកៅអីសម្រាប់វគ្គជម្រុះជុំទី៣រវាងអ្នកប្រដាល់ទាំង២រូបនេះប្រាកដជាតឹងតែងជាមិនខាន ។វ៉ែន ហុងជីវ៉ុង ឬ សោម
ស៊ីថៃដណ្ដើមបានកៅអីសម្រាប់វគ្គជម្រុះជុំទី៣ ?
ចំពោះការប្រកួតរវាងអ្នកប្រដាល់រួមជាតិក្រៅព្រឹត្តិការណ៍ពានរង្វាន់វិញនោះទូច ដេវីដក្លិបអារុណរះកីឡាប្រកួតជាមួយអ្នកប្រ
ដាល់ព្រឿង សុជាតិក្លិបកងពលធំអន្តរាគមន៍លេខ៣ដោយប្រកួតគ្នាក្នុងប្រភេទទម្ងន់៦០គីឡូក្រាម ។សាំង គីមក្លិបអេផូថងកីឡាប្រកួត
ជាមួយឡុង សុវណ្ណក្លិបសាលវ័ន្ដកីឡាក្នុងប្រភេទទម្ងន់៥១គីឡូក្រាម ៕