ស៊ីហ្គេមនឹង ធ្វើឲ្យវៀតណាម កែលម្អរចនាសម្ព័ន្ធ
ភ្នំពេញ៖លោក Vuong Bich Thangប្រធានរដ្ឋបាលកីឡាជាតិវៀតណាមបាននិយាយ
ថា“ការរៀបចំស៊ីហ្គេមនឹងជួយប្រទេសវៀតណាមកែលម្អហេដ្ឋារចនាសម្ព័ន្ធសង្គមនិងអភិវឌ្ឍកីឡា” ។
លោកបន្តថា ទីក្រុងហាណូយបានរៀបចំការប្រកួតកីឡាអាស៊ីម្ដងគឺលើកទី ២២ នៅឆ្នាំ ២០០៣និងព្រឹត្តិការណ៍កីឡាអាស៊ីក្នុងផ្ទះនៅឆ្នាំ២០០៩។ទីក្រុងនេះឆ្លើយតបគ្រប់គ្រាន់សម្រាប់ការទាមទារធ្វើម្ចាស់ផ្ទះស៊ីហ្គេមឆ្នាំ ២០២១ ។
ថវិកាចំនួនជិត ១ សែនកោដិដុងនឹងត្រូវបានបម្រុងទុកសម្រាប់ការរៀបចំសកម្មភាពនានានិងនៅសល់សម្រាប់ការកែលំអរកន្លែងដែលពាក់ព័ន្ធរួមមានមណ្ឌល កីឡា My Dinh និង មជ្ឈមណ្ឌលកីឡាទឹក និងបណ្ដា កន្លែងផ្សេងទៀតនៅតាមខេត្តក្បែរ ៗ គ្នាដែលអាចប្រើជាកន្លែងប្រកួតបាន។
ប្រាក់ចំណូលសរុបត្រូវបានគេរំពឹងថានឹងមានចំនួនជិត៩៧ពាន់លានដុងរួមមានការចូលរួមវិភាគទានពីប្រទេសចំនួន១០ផ្សេងទៀតដែលជាអ្នកឧបត្ថម្ភការផ្សព្វផ្សាយនិងសិទ្ធិផ្សាយ។ នោះគឺប្រហែល ៥,៦% នៃការវិនិយោគ។
ស៊ីហ្គេមលើកទី ៣១ នឹងត្រូវធ្វើឡើងរយៈពេល ២ សប្តាហ៍ចុងក្រោយនៃខែវិច្ឆិកាឆ្នាំ ២០២១ ដែលមានអ្នកចូលរួមជាង ១ ម៉ឺននាក់និងកីឡាចំនួន ៣៦ ។
បន្ទាប់ពីទទួលបានជោគជ័យនៃព្រឹត្តិការណ៍កីឡាស៊ីហ្គេមឆ្នាំ២០១៥នៅប្រទេសសិង្ហបុរីព្រឹត្តិការណ៍ឆ្នាំ ២០១៧ នៅប្រទេសម៉ាឡេស៊ីនិងឆ្នាំ ២០១៩ នៅប្រទេសហ្វីលីពីន។វៀតណាម
មានជំនឿចិត្តថាឆ្នាំ២០២១ដែលខ្លួនធ្វើជាម្ចាស់ផ្ទះគេនឹងបង្កើតបាននូវជោគជ័យកាន់តែធំថែម
ទៀតជាមិនខាន ។