សង្វៀនប៉ុស្តិ៍លេខ៥បើកប្រកួតឡើងវិញតែវ៉ៃបិទទ្វារ
ភ្នំពេញ៖បន្ទាប់បិទសង្វៀនមួយរយៈខ្លីដោយសារតែការរាតត្បាតនៃជម្ងឺកូវីដ ១៩នោះនៅថ្ងៃទី២ឧសភា
នេះទូរទស្សន៍ប៉ុស្តិ៍លេខ៥នឹងបើកឲ្យមានការប្រកួតឡើងវិញតែប្រកួតដោយមិនអនុញ្ញាតឲ្យមានអ្នកចូលទស្សនា
ឡើយគឺគ្រាន់តែផ្សាយផ្ទាល់តាមទូរទស្សន៍ដូចស្ថានីយ៍នានាដែរ ។
សម្រាប់ការបើកសង្វៀនវិញនេះអ្នកប្រដាល់ជើងចាស់២រូបត្រូវបានដាក់ឲ្យប្រកយតគ្នា ។នន់ ជំនិតក្លិប
ស្វាយរលំឬទ្ធិជ័យប្រកួតជាមួយចៅផលឌឿក្លិបសំរោងកោងកីឡាខេត្តបាត់ដំបងដោយប្រកួតគ្នាក្នុងប្រភេទទម្ងន់
៧១គីឡូក្រាម ។
អតីតកាលរបស់អ្នកប្រដាល់វ័យចំណាស់ទាំង២រូបនេះអស្ចារ្យណាស់ ។ គេជាអ្នកប្រដាល់ដែលមាន
កណ្ដាប់ដៃធ្ងន់ រហ័ស កម្លាំងអស្ចារ្យ មិនតែប៉ុណ្ណោះស្នៀតជង្គង់ កែង និងស្នៀតទាត់របស់គេក៏មិនអាចមើល
ស្រាលបានដែរ ។
ពួកគេមានវ័យច្រើនហើយតែកលល្បិចនៃការប្រកួតរបស់គេនៅតែល្អដដែលគ្រាន់តែកម្លាំងរបស់គេមិន
ដូចដើមតែប៉ុណ្ណោះ ។ការដាក់អ្នកប្រដាល់ជើងខ្លាំងវ័យចំណាស់ឲ្យប្រកួតគ្នាបែបនេះក្នុងបំណង់ឲ្យអ្នកប្រដាល់
ស្រករក្រោយរៀនវ៉ៃដោយប្រើកលល្បិច ឲ្យបានច្រើនជាជាងវ៉ៃដោយប្រើកម្លាំងបាយ ។ជំនួបរវាងអ្នកប្រដាល់វ័យ
ចំណាស់ទាំង២រូបនេះគេលំបាកស្មានមុនពីជ័យជំនះណាស់ ។
សោម ពិសិដ្ឋក្លិបអេភូថងកីឡាប្រកួតជាមួយអ្នកប្រដាល់ច្រឹក កុសលក្លិបខ្លារខិនមានរិទ្ធដោយប្រកួតគ្នា
ក្នុងប្រភេទទម្ងន់៦៥គីឡៅក្រាម។អ្នកប្រដាល់ទាំង២រូបនេះមិនសូវមាននរណាស្គាល់ក៏ពិតមែនតែគេវ៉ៃបានល្អនិង
មានកម្លាំងគ្រប់គ្រាន់សម្រាប់វ៉ៃ៥ទឹក ។
កែវ សំរិទ្ធក្លិបខេត្តរតនគីរីដែលទើបតែប្រកួតចាញ់ពិន្ទុអ្នកប្រដាល់អ៊ុង កំសត់ក្លិបព្រៃទទឹងកីឡាខេត្តបាត់
ដំបងនោះត្រូវបានដាក់ឲ្យប្រកួតជាមួយអ្នកប្រដាល់ជើងកន្ត្រៃហោះធា នុរាជក្លិបម្កុដរាជសីហ៍ ។
អ្នកប្រដាល់ទាំង២រូបនេះប្រកួតគ្នាក្នុងប្រភេទទម្ងន់៦៥គីឡូក្រាម ។តាមពិតអ្នកប្រដាល់ទាំង២រូបនេះ
ធ្លាប់ជួបប្រកួតគ្នាកន្លងមកដោយមានឈ្នះ ចាញ់ទៅវិញទៅមកដោយគ្រាន់តែភាគច្រើនធា នុរាជជាអ្នកឈ្នះតែ
ប៉ុណ្ណោះ ។
សំរិទ្ធខ្លាំងដៃតែអន់ជើងក្រោមសម្រាប់ធា នុរាជទោះបីគេមានអំណួតខាងស្នៀតនាគវ័ធកន្ទុយ លោត
ទាត់ផ្កាប់ចានក៏ពិតមែនតែកែង ជង្គង់ កណ្ដាប់ដៃរបស់គេមិនអាចមើលរំលងបានឡើយ ។លើកនេះនរណាជា
អ្នកខ្លាំងពិតប្រាកដ ?
សេក គឹមសាន្ដក្លិបអង្គរមានជ័យខេត្តសៀមរាបប្រកួតជាមួយអ្នកប្រដាល់លន់ សៀកឡេងក្លិបថ្នល់ទទឹង
គុនខ្មែរដោយប្រកួតគ្នាក្នុងប្រភេទទម្ងន់៥៧គីឡូក្រាម ។
អ្នកប្រដាល់ទាំង២រូបនេះក៏សុទ្ធតែខ្លាំងដូចគ្នាតែសៀកឡេងខ្សោក្នុងការការពារបន្តិច ព្រមទាំងឆាប់មាន
អំណួតណាស់ ។នរណាជាអ្នកឈ្នះ ?
សាន់ វាសនាក្លិបនាគរាជចតុមុខត្រូវបានដាក់ឲ្យប្រកួតជាមួយអ្នកប្រដាល់ឡុង សុឃាក្លិបសាលវ័ន្ដកីឡា
ដោយប្រកួតគ្នាក្នុងប្រភេទទម្ងន់៥៤គីឡូក្រាម ៕